इंडिया दर्पण ऑनलाईन डेस्क
अमेरिकेत टेक्सास राज्यात आलेल्या पुरामुळे आतापर्यंत किमान ४९ जणांचा मृत्यू झाले आहे. या मृतांमध्ये १५ लहान मुलांचा समावेश असून, एका खासगी युवा शिबिरातून २७ मुलं बेपत्ता असल्याची माहिती येथील अधिकाऱ्यांनी दिली आहे.
पुराच्या पार्श्वभूमीवर मोठ्या प्रमाणावर मदत आणि बचाव कार्य सुरू आहे. आतापर्यंत सुमारे ८५० लोकांना वाचवण्यात यश आले आहे. दरम्यान, या भागात आणखी पाऊस पडून पुन्हा पूर येण्याची शक्यता अमेरिकेच्या हवामान विभागाने व्यक्त केली आहे. दरम्यान, नरेंद्र मोदी यांनी या भीषण पुरामुळे झालेल्या जीवितहानीबद्दल, विशेषतः लहान मुलांच्या मृत्यूबद्दल तीव्र दुःख व्यक्त केले आहे. आपल्या संवेदना अमेरिकेचं सरकार आणि दु:खग्रस्त कुटुंबियांसोबत असल्याचं त्यांनी ससंदेशात म्हटले आहे.
