नाशिक (इंडिया दर्पण वृत्तसेवा)– नाशिक जिल्हा सेपक टकरा असोसिएशनच्या वतीने नाशिकच्या मिनाताई ठाकरे विभागीय क्रीडा संकुल येथील इनडोर हॉलमध्ये दिनांक २५ जून, २०२५ रोजी खुल्या गटाच्या नाशिक जिल्हा सेपक टकरा स्पर्धेचे आयोजन करण्यात आले आहे. या स्पर्धेला सकाळी १० वाजता सुरवात होणार आहे. या स्पर्धेतील कामगिरीच्या आधारे खेळाडूंची नाशिक जिल्हा संघासाठी निवड केली जाणार आहे. हे निवड झालेले खेळाडू दिनांक २८ ते ३० जून, २०२५ दरम्यान मिनाताई ठाकरे विभागीय क्रीडा संकुल नाशिक येथे आयोजित महराष्ट्र राज्य सेपक टकरा अजिंक्यपद स्पर्धेत नाशिक जिल्ह्याचे प्रतिनिधित्व करतील.
नाशिकमध्ये आयोजित राज्य स्पर्धेमध्ये नाशिक जिल्ह्यांच्या संघांची कामगरी उत्तम व्हावी यासाठी निवड झालेल्या खेळाडूंचे दिनांक २६ आणि २७ जून रोजी येथेच सकाळ आणि सायंकाळ दोन सत्रात चांगला सराव करून घेतला जाणार आहे. ज्या खेळाडूंना या स्पर्धेत सहभागी व्हायाचे आहे अशा खेळाडूंनी, प्रशिक्षकांनी संस्था पदाधिकारी, यांनी स्पर्धा आयोजन प्रमुख दिपक निकम मो. क्रमांक ९५९५३४३४३५ यांच्याशी संपर्क करून आपले प्रवेश निश्चित करावे.
ही स्पर्धा नाशिक जिल्ह्यातील खेळाडूंसाठी असल्यामुळे खेळाडूनी आपले आधार कार्ड आणणे आवश्यक आहे. या स्पर्धेत नाशिक जिल्ह्यातील जास्तीत जास्त खेळाडूंनी सहभागी व्हावे असे आव्हान नाशिक जिल्हा सेपक टकरा असोसिएशनचे अध्यक्ष चंद्रकांत बनकर, कार्याध्यक्ष आनंद खरे, सचिव दिपक निकम, कार्यकारी सदस्य योगेश पाटील, ॲड. अनिल गायकवाड केले आहे.
