मुंबई (इंडिया दर्पण वृत्तसेवा) – मार्केट रेग्युलेटर सेबीने एक परिपत्रक जारी केले असून, त्यानुसार किरकोळ गुंतवणूकदारांसाठी यूपीआय सिस्टीमद्वारे पेमेंट मर्यादा ५ लाख रुपये केली आहे. आतापर्यंत ही मर्यादा दोन लाख होती. १ मे २०२२पासून हा बदल लागू होईल. कर्ज सुरक्षिततेच्या दृष्टीने सार्वजनिक बाबींवर हा बदल लागू केला जाईल. सध्याच्या सेबी नियमांनुसार, गुंतवणूकदारांना यूपीआय प्रणालीद्वारे कर्जासाठी २ लाख रुपयांपर्यंतची गुंतवणूक करता येते. आता ही गुंतवणूक मर्यादा पाच लाखांपर्यंत वाढणार आहे. सेबीने आपल्या तरतुदींमध्ये समानता आणण्यासाठी यूपीआयमधील गुंतवणुकीची मर्यादा २ लाखांवरून ५ लाख रुपये करण्याचा निर्णय घेतला आहे. नॅशनल पेमेंट कॉर्पोरेशन ऑफ इंडिया (NPCI) ने इन्स्टंट पेमेंट सिस्टम यूपीआय विकसित केली आहे. याच्या मदतीने एखादी व्यक्ती दुसऱ्या व्यक्तीच्या खात्यात त्वरित पैसे ट्रान्सफर करू शकते.
सेबी ६ एप्रिल रोजी रॉयल ट्विंकल स्टार क्लब आणि सिट्रस चेक इनच्या ४६ मालमत्तांचा लिलाव करणार आहे. याची किंमत ९७ कोटी रुपये ठेवण्यात आली आहे. या कंपन्यांनी हजारो कोटी रुपये जमा केले असून ते वसूल करण्यासाठी सेबीने हे पाऊल उचलले आहे. ६ एप्रिल २०२२ रोजी सकाळी ११ ते दुपारी १ वाजेपर्यंत हा लिलाव होणार आहे. लिलाव होणार्‍या मालमत्तेमध्ये कार्यालय परिसर, घर, जमीन आणि महाराष्ट्र, गुजरात, दमण आणि दादरा आणि नगर हवेली येथील दुकाने यांचा समावेश आहे. देशात ऑर्गेनिक शेतीला चालना देण्यासाठी कृषी मंत्रालय नवीन योजना आणण्याच्या तयारीत आहे. या योजनेवर सुमारे २५०० कोटी रुपये खर्च केले जाणार आहेत.
