इंडिया दर्पण ऑनलाईन डेस्क – आपल्या देशात कोणत्याही रस्त्यावरून प्रवास करताना नदी, नाले, आडवे येतात. त्यांच्यावर पूल बांधलेले असतात. पावसाळ्यात तर नद्यांना महापूर येतात, तेव्हा वाहतूक ठप्प होते, याउलट जल मार्गाने प्रवास करताना आपल्याला रस्त्यावरून जाता येत नाही, म्हणजे दोन्ही ठिकाणी मर्यादा पडतात. परंतु आता अशी कार वाहन चालकांना उपलब्ध होणार आहे, ती जमिनीवर देखील धावेल आणि पाण्यातही चालू शकेल, त्या आगळ्यावेगळ्या कार विषयी सर्वांनाच उत्सुकता लागलेली आहे.
नवीन तंत्रज्ञानाच्या आधारे अनेक जबरदस्त कार बाजारात आल्या आहेत. यातच अशी एक खास कार आहे, जी पाणी आणि रस्ते दोन्हीवर धावते. या कारचे नाव आहे ‘सी लायन’ ‘सी लायन’ने जगातील सर्वात वेगवान Amphibious Car म्हणून आपले नाव नोंदवले आहे. ही कार विक्रीसाठी बाजारात उपलब्ध आहे.
सी लायन’ कार ही जागतिक वेगाच्या विक्रम स्पर्धेत प्रमुख स्पर्धक आहे. याची स्पर्धा सुमारे 25 अन्य वाहनांशी आहे. या कारचा डिझायनर मार्क विट फॅन्टसी व्हेंचर्सच्या माध्यमातून याची ऑनलाइन विक्री करत आहे. ‘सी लायन’ कारमध्ये आवश्यक ती सर्व फीचर्स आहेत, ज्यामुळे ती चालवताना कोणतीही अडचण येत नाही. त्याचा समतोल पाण्यातही राहतो.
विशेष म्हणजे या कारचे निर्माते एम. विट यांनी ती फॅन्टसी व्हेंचर्समध्ये विक्रीसाठी ठेवली आहे. जर ही कार खरेदी करायची असेल, तर 25,9500 डॉलर्स म्हणजे सुमारे 2 कोटी रुपये खर्च करावे लागतील. ही कार अवघ्या काही मिनिटांत कारमधून बोटीत बदलते. ही कार रस्त्यावरून आणि पाण्यात घेऊन जाऊ शकता आणि वाहतुकीच्या दोन्ही पद्धतींचा आनंद घेऊ शकता.
स्टेनलेस स्टील कवर्ड Mazda 13B रोटरी इंजिनच्या मदतीने ही कारला पाण्यावर 60 mph म्हणजे 97 किमी वेगाने धावते. तर रस्त्यावर ताशी 290 किमीचा वेग धरू शकते. ही कार बनवण्यासाठी डिझायनर M.Witt यांना सुमारे 6 वर्षे लागली. या कारची बॉडी सीएनसी माइल्ड पीस आणि टीआयजी वेल्डेड 5052 अॅल्युमिनियमपासून बनलेली आहे. यामुळे ही Amphibious Car खूपच वेगळी आणि आकर्षक दिसते.
Sea Lion Amphibious Car will run on road and water
