इंडिया दर्पण ऑनलाईन डेस्क – शाळेतील मुलांनी हाणामारी करणे एक वेळ समजू शकते, परंतु मुलींनी हाणामारी करीत एकमेकांना लाट्या काट्याने मारहाण करणे दोन गटात तुंबळ हाणामारी होऊन जखमी होणे, ही घटना भयानकच म्हणावी लागेल. परंतु बंगळुरू शहरात अशी घटना घडल्याने सर्वत्र त्याची चर्चा सुरू आहे.
बंगळुरूमध्ये शाळकरी मुलींच्या दोन गटांमध्ये झालेल्या भांडणाचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये विद्यार्थिनी एकमेकांना लाथा, ठोसे आणि काठीने मारहाण करताना दिसत आहेत. विशेष गोष्ट म्हणजे सर्व मुली शाळेच्या ड्रेसमध्ये उपस्थित होत्या. ही घटना कधी घडली आणि त्याचे कारण काय याचा खुलासा अद्याप झालेला नाही. सोशल मीडियावरील लोकांचा असा विश्वास आहे की ही लढाई दोन शाळांच्या गटात होती.
या व्हायरल होत असलेल्या व्हिडिओमध्ये मुली एकमेकांना लाथा-बुक्क्यांनी मारताना दिसत आहेत. कोणी कोणाचे केस ओढत आहे, कोणी थप्पड मारून खाली ढकलत आहे. त्याचवेळी एका विद्यार्थिनीच्या हातात एक काठी आहे जी ती वापरत असल्याने घटनास्थळी मोठा आवाज होत आहे. काही मुलंही घटनास्थळी हजर होती. यातील काही मुली बंगळुरूमधील प्रसिद्ध बिशप कॉटन गर्ल्स स्कूलमधील असल्याचे युजर्सचे म्हणणे आहे.
तसेच व्हायरल झालेल्या या व्हिडिओमध्ये अनेक विद्यार्थिनींना जखमा झाल्याचे स्पष्टपणे दिसत आहे. अनेकांनी या प्रकरणात हस्तक्षेप करत विद्यार्थिनींना वेगळे करण्याचा प्रयत्नही केला. शाळेच्या अधिकाऱ्यांनी या लढाईत हस्तक्षेप केला नाही किंवा या प्रकरणावर अद्याप कोणतेही निवेदन दिले नाही.
बघा हा व्हायरल व्हिडिओ
https://twitter.com/Taha_shah0/status/1526602703350075392?s=20&t=61bFClFM4PIgs6Rah8KQ0Q
