नाशिक (इंडिया दर्पण वृत्तसेवा) – गेल्या काही दिवसांपासून नाशिक शहरात बिबट्याचे दर्शन होत आहे. दोन दिवसांपूर्वी एबीबी सर्कल परिसरात बिबट्या सीसीटीव्ही कॅमेऱ्यामध्ये कैद झाला होता. तोच आता सातपूर औद्योगिक वसाहतीत बिबट्या दिसून आला आहे. काल मध्यरात्री दीड ते दोन वाजेच्या सुमारास वसाहतीतील निलकमल मार्बल कंपनीच्या मागील बाजूस बिबट्या निदर्शनास आला आहे. कंपनीच्या सीसीटीव्ही कॅमेऱ्यातून तसे स्पष्ट होत आहे. तशी माहिती भगक उद्योजक महेंद्र छोरिया यांनी दिली आहे. बिबट्याच्या वावरामुळे कामगारांसह उद्योजकांमध्ये भीतीचे वातावरण आहे. खासकरुन मध्यरात्री शिफ्ट संपल्यानंतर शेकडो कामगार घराकडे परततात तर अनेक कामगार रात्रपाळीसाठी कंपनीत येत असतात. अशा स्थितीत बिबट्याचा वावर धोकादायक बनला आहे. याची दखल घेत वनविभागाने तातडीने पिंजरा लावून बिबट्याचा बंदोबस्त करावा, अशी आग्रही मागणी करण्यात येत आहे.
बघा व्हिडिओ
व्हिडिओ सौजन्य – उद्योजक महेंद्र छोरिया
