सटाणा (इंडिया दर्पण वृत्तसेवा) – सटाणा येथील शिक्षकाने कनाशी तालुक्यातील चणकापूर धरणात आत्महत्या केल्याचे समोर आली आहे. विलास केशवराव कापडणीस असे मृत शिक्षकाचे नाव आहे. रविवारी घडली. या घटनेमुळे परिसरात खळबळ उडाली आहे.
रविवारी ही आत्महत्या केली होती. पण, सोमवारी मालेगाव येथील अग्निशमन दलाला पाचारण केल्यानंतर या शिक्षकाचा मृतदेह मिळाला. रविवारी चणकापूर धरणाच्या आऊटलेट क्रमांक १३५ च्या गेट जवळ एका इसमानाने उडी घेतल्याची माहिती समोर आली होती. पण, त्यावेळेस तो व्यक्ती कोण होता याची माहिती नव्हती.
पण, धरणाजवळ एमएच ४१ एपी ४३१६ क्रमांकाची दुचाकी, चपला मोबाईल अशा वस्तू आढळून आल्या. त्यानंतर अभोणा पोलिसांनी शोध सुरु केले. परंतु त्यांना य़श आले नाही. त्यानंतर मालेगाव येथील अग्निशमन दलाला पाचारण केले होते. दुस-या दिवशी शोध घेतल्यानंतर सोमवारी विलास केशवराव कापडणीस (३८) शिक्षक यांचा मृतदेह आढळून आला.
