मुंबई (इंडिया दर्पण वृत्तसेवा) – राष्ट्रवादी अजित पवार गटाचे नेते नवाब मलिक यांचे जावाई समीर खान यांचे आज निधन झाले आहे. नवाव मलिक यांनी स्वत ट्विट करत याबाबत माहिती दिली आहे. माझे जावई समीर खान यांचे निधन झाले आहे. अल्लाह त्यांना जन्नतमध्ये सर्वोच्च स्थान देवो. या नुकसानीबद्दल आम्ही शोक व्यक्त करतोय असे नवाब मालिक यांनी म्हटले आहे.
समीर खान यांचा काही दिवसांपूर्वी अपघात झाला होता. या अपघातात ते गंभीर जखमी झाले होते. त्यांच्यावर कोहीनूर हॅास्पिटलमध्ये उपचार सुरु होते. समीर खान यांची प्रकृती स्थिर असल्याची माहिती समोर येत होती. पण, त्यांचा आज दुर्दैवी मृत्यू झाल्याचे वृत्त समोर आले आहे.
नवाब मलिक हे उपमुख्यमंत्री अजित पवार यांच्या गटाचे शिवाजीनगर – माणकूर विधानसभेचे उमेदवार आहेत. तर त्यांच्या कन्या सना मलिक या अणुशक्तीनगरच्या उमेदवार आहे. विधानसभा निवडणुकीच्या तोंडावर मलिक कुटुंबियावर दु.खाचा डोंगर कोसळला आहे. या घटनेमुळे नवाब मलिक यांनी पुढील दोन दिवसांचे सर्व नियोजित कार्यक्रम पुढे ढकलले आहे.
