मुंबई (इंडिया दर्पण वृत्तसेवा) – आज, डिजिटल माध्यमाच्या या युगात, ओटीटीने स्वतःसाठी एक स्थान निर्माण केले आहे. लोक टीव्हीवर चित्रपट पाहणे आणि चित्रपटगृहात जाणे टाळू लागले आहेत. अनेक मोठे स्टार्स त्यांचे चित्रपट ओटीटीवर रिलीज करत आहेत. अजय देवगणपासून शाहीद कपूरपर्यंत सगळेच ओटीटीकडे आकर्षित होत आहेत. आता या यादीत दबंग खान म्हणजेच सलमान खानचेही नाव जोडले गेले आहे. असे सांगण्यात येत आहे की त्याने झी 5 सोबत एक्सक्लुझिव्ह सॅटेलाइट हक्कांसाठी पाच वर्षांचा करार केला आहे, जो या जानेवारीपासून सुरू झाला आहे.
मीडिया रिपोर्ट्सनुसार, या डील अंतर्गत OTT वर येणारा त्याचा पहिला चित्रपट म्हणजे किसी का भाई किसी की जान. या चित्रपटात सलमानच्या सोबत पूजा हेगडे दिसली होती. झी त्यांच्या चित्रपटाचे वितरकही होते. झी5 आणि सलमानचे नाते खूप जुने आहे. या प्लॅटफॉर्मने त्यांचा राधे हा चित्रपट डिजिटलवर लाँच केला. या चित्रपटाला प्रेक्षकांचे भरभरून प्रेम मिळाले. जेव्हा हा चित्रपट डिजिटल प्लॅटफॉर्मवर आला तेव्हा पहिल्याच दिवशी सर्व्हर क्रॅश झाल्याचे सांगितले जाते.
सलमानच्या टायगर ३ ला या डीलमधून बाहेर ठेवण्यात आल्याचेही समोर येत आहे. याचे कारण म्हणजे यशराज फिल्म्सने याआधीच दुसऱ्या प्लॅटफॉर्मशी करार केला आहे. मात्र, हा करार किती झाला याबाबत कोणतीही माहिती समोर आलेली नाही. सलमान खानने मागच्या वेळी असा करार केला तेव्हा त्याला ४०० ते ५०० कोटी रुपये मिळाले होते, असे म्हटले जाते.
सलमान खानच्या ‘किसी का भाई किसी की जान’ या चित्रपटाने बॉक्स ऑफिसवर चांगली कमाई केली होती. हा एक मल्टीस्टारर चित्रपट आहे, ज्यामध्ये पलक तिवारी, जस्सी गिल, शहनाज गिल, राघव जुयाल, भूमिका चावला सारखे कलाकार दिसले होते. चित्रपटगृहांमध्ये प्रदर्शित झाल्यानंतर आता प्रेक्षक हा चित्रपट ओटीटीवर प्रदर्शित होण्याची वाट पाहत आहेत.
Salman Khan Big Deal for OTT Movie
