मुंबई (इंडिया दर्पण वृत्तसेवा) – माहीम विधानसभा मतदार संघात शिवसेना शिंदे गटाचे उमेदवार सदा सरवणकर यांच्या विरोधात मनसेचे अमित ठाकरे रिंगणात उतरले आहे. या मतदार संघात शिंदे गटाने अमित ठाकरे यांना पाठींबा द्यावा यासाठी गेल्या काही दिवसांपासून जोरदार प्रयत्न सुरु आहे. पण, सदा सरवणकर यांनी या दबावाला झुकारत उमेदवारी करणार असल्याचे स्पष्ट केले. पण, आता त्यांनी माघार घेण्यास तयार असल्याचे म्हटले आहे. पण, त्यासाठी त्यांनी एक अट टाकली आहे. मनसेनेने महायुती विरोधात उभे केलेले सर्व उमेदवार मागे घ्यावे. त्यानंतर मी पक्षासाठी उमेदवारी मागे घेण्यास तयार आहे. मी पक्षासाठी त्याग करण्यास तयार आहे. एकनाथ शिंदे यांनी मुख्यमंत्री व्हावे अशी सर्वसामान्यांची इच्छा आहे असे म्हटले आहे. आता त्यांच्या या अटीवर मनसे काय उत्तर देते याकडे सर्वांचे लक्ष आहे.
यअगोदरही टीका
याअगोदरही सदा सरवणकर यांनी मनसेचे नेते राज ठाकरे व अमित ठाकरे यांच्यावर टीका केली होती. राज्यात भाजपचे सरकार सत्तेत येईल, मुख्यमंत्री जो होईल तो मनसे आणि भाजपच्या मदतीने होईल असे भाष्य ठाकरे यांनी केले होते. त्यावर सदा सरवणकर म्हणाले की, अशी वैयक्तिक मते असतात. पण, ज्याचा एकही आमदार नाही त्यांनी मुख्यमंत्री कोण हे सांगणे हे किती हास्यास्पद आहे. त्यामुळे मी त्यांच्यावर टीका करावी असं मला वाटत नाही. ते पुढे म्हणाले की, मुख्यमंत्री कोण हे पुढे महायुती ठरवेल, मला एवढंच कळत. मी या मतदार संघातून उभा राहणार आहे. महायुतीचा उमेदवार म्हणून मी निवडून येणार आहे. लोकांचा मला आशीर्वाद आहे.
माहीम चर्चेतला मतदार संघ
माहीम मतदार संघात सध्या चर्चेचा मतदार संघ ठरला आहे. या मतदार संघातून मनसेचे अमित ठाकरे ह पहिल्यांदा निवडणूक लढवत आहे. त्यामुळे महायुतीने त्यांना पाठींबा देण्याच्या हालचाली सुरु केल्या. पण, सरवणकर यांनी निवडणूक लढवणारच असे सांगत प्रचारही सुरु केला आहे. तर शिवसेना ठाकरे गटाने या ठिकाणी महेश सावंत यांना उमेदवारी दिली आहे.
