इंडिया दर्पण ऑनलाईन डेस्क
रशियात झालेल्या एका रेल्वे अपघातात रेल्वे चालकासह सात जणांचा मृत्यू झाला, तर ३० जण जखमी झाले. अपघातग्रस्त रेल्वे गाडी मॉस्कोहून क्लिमोवकडे जात असताना वायगोनिचस्की इथं ती रुळावरून घसरली. ब्रायनस्क प्रदेशाच्या पश्चिमेकडच्या भागात एक पूल कोसळल्यानं ही रेल्वे रुळावरून घसरल्याचं रशियाच्या वृत्तसंस्थेनं दिलेल्या वृत्तात म्हटलं आहे.
ही घटना शनिवारी रात्री १०.४४ वाजता ब्रायन्स्क प्रदेशातील पिलशिनो आणि वायगोनिची स्थानका दरम्यान घडली. या घटनेचा इतर रेल्वे वाहतुकीवर परिणाम झाला नाही असे कंपनीने सांगितले.
