माजी आरोग्य मंत्री तानाजी सावंत यांचा मुलगा ऋषिराज सावंत किडनॅप? नेमकं काय घडलं

इंडिया दर्पण ऑनलाईन डेस्क
माजी आरोग्य मंत्री तानाजी सावंत यांचा मुलगा ऋषिराज सावंत याला किडनॅप केले असून त्यामुळे खळबळ निर्माण झाली आहे. ऋषिराज बेपत्ता झाल्याचा निनावी फोन पुणे पोलिस कंट्रोल रुमला आला त्यानंतर पोलिसांची सर्व टीम सक्रिय झाली. दरम्यान या घटनेनंतर तानाजी सावंत यांच्या कार्यालयाकडून ऋषिराज सावंतचे अपहरण झाले नसून तो परदेशात असल्याचे सांगण्यात आले.

या घटनेनंतर पुणे पोलिस उपायुक्त रंजन कुमार शर्मा आणि तानाजी सावंत यांनी संयुक्त पत्रकार परिषद घेतली. पोलिस उपायुक्त म्हणाले की, आज पोलिस कंट्रोल रुमला चार वाजेच्या सुमारास माहिती मिळाली की, तानाजी सावंत यांच्या मुलाला कुणीतरी घेऊन गेलं आहे. ही माहिती मिळाल्यानंतर तातडीने माहिती घेणे सुरु केले. ते पुण्याहून फ्लाईटने गेले आहेत. फ्लाईट आता कोणत्या दिशेने जात आहे याच कन्फर्मेशन सुरु आहे. त्यांना परत आणण्यासाठी सर्व यंत्रणा कामाला लागलेली आहे. सिंहगड रोड पोलिस ठाण्यात अपहरणाची एफआय़आर दाखल करण्यात आली आहे. क्राईम ब्रांचकडे हे प्रकरण वर्ग करण्यात आले आहे.