मुंबई (इंडिया दर्पण वृत्तसेवा) – भारतातील आघाडीची डिजिटल पेमेंट्स आणि वित्तीय सेवा कंपनी ब्रॅण्ड पेटीएमची मालकी धारण करणाऱ्या वन९७ कम्युनिकेशन्स लिमिटेडने (ओसीएल) आज आकर्षक यूपीआय-आधारित ऑफरची घोषणा केली, त्यामुळे चित्रपटप्रेमींना ज्युनिअर एनटीआर व राम चरण अभिनीत – ‘आरआरआर’ मूव्ही वाऊचर्स जिंकण्याची संधी मिळेल.
पेटीएम युजर्स पेटीएम यूपीआयच्या माध्यमातून ९७११६५६५६५ या क्रमांकावर १ रूपया त्वरित मनी ट्रान्सफर करत २१ मार्च ते २७ मार्चपर्यंत जवळपास १५० रूपये किंमतीचे मोफत आरआरआर मूव्ही वाऊचर्स जिंकू शकतात. यानंतर पेटीएम अॅपच्या माध्यमातून आरआरआर चित्रपटाच्या तिकिटे बुक करताना युजर्स हे वाऊचर्स रिडिम करू शकतात. यासाठी त्यांना पेटीएम अॅपवर तिकिट बुक करताना वाऊचर प्रोमो कोड प्रविष्ट करावा लागेल.
https://youtu.be/VFj3WBduPzs
पेटीएमचे प्रवक्ता म्हणाले, “आम्ही भारतामध्ये डिजिटल पेमेण्ट्सचा उच्च अवलंब व स्वीकृतीला चालना देण्याचा प्रयत्न करतो आणि आमच्या पेमेण्ट साधनांसह आम्ही अधिकाधिक युजर्सना त्यांच्या आर्थिक प्रवासामध्ये सक्षम करण्याची आशा करतो. पेटीएम यूपीआय अत्यंत गतीशील व सुरक्षित पैसे ट्रान्सफर करण्याची सुविधा देते. आमच्या युजर्सचे चित्रपटांप्रती प्रेम पाहता आमची आरआरआर मूव्ही वाऊचर्ससाठी नवीन यूपीआय ऑफरसह कृतज्ञता व्यक्त करण्याची इच्छा आहे.”
आरआरआर हा बहुप्रतिक्षित भारतीय चित्रपट आहे, जो जगभरात २५ मार्च २०२२ रोजी प्रदर्शित होणार आहे. एसएस राजामौली यांचे दिग्‍दर्शन असलेल्या या चित्रपटामध्ये प्रतिभावान कलाकार आहेत- जसे ज्युनिअर एनटीआर, राम चरण, अजय देवगण, आलिया भट्ट, ओलिविया मॉरिस, समुतीरकाणी, अलिसन दूडी, श्रीया सरण आणि रे स्टिव्हन्सन.
चित्रपट तिकिटांव्यतिरिक्त पेटीएम अॅपच्या माध्यमातून विमानांची तिकिटे, बस तिकिटे, रेल्‍वे तिकिटे, इव्हेण्ट तिकिटे आणि मेट्रो तिकिटे एकसंधीपणे बुक करण्याची देखील सुविधा देते.
