ठाणे (इंडिया दर्पण वृत्तसेवा) – सध्याच्या काळात मोबाईलचा वापर प्रचंड प्रमाणात वाढला असून टेलिकॉम कंपन्यांना त्याचा फायदा होत आहे. सहाजिकच खासगी टेलिकॉम कंपन्या मोबाईल ग्राहकांसाठी वेगळे प्लॅन आणत असून त्या कंपन्यांमध्ये स्पर्धा देखील दिसून येत आहे. त्यातच आता रिलायन्स जिओ कंपनीने ग्राहकांसाठी आणखी एक योजना आणली असून अन्य कंपन्यांच्या तुलनेत बाजी मारली आहे, असे म्हटले जाते.
सध्या रिलायन्स जिओची नवी ऑफर टेलिकॉम क्षेत्रात खूप लोकप्रिय होत आहे. Jio ने Airtel, Vodafone-Idea ला टक्कर देण्यासाठी लाँच केलेला प्लॅन 1,999 रुपयांचा आहे. या प्लॅनमध्ये यूजर्सना फक्त डेटा, कॉलिंग सारखे फायदे मिळत नाहीत तर JioPhone सोबत मोफत दिले जात आहे. त्याची वैधता देखील 2 वर्षांची आहे. विशेष म्हणजे स्वस्तात मिळणाऱ्या या प्लानने बाजारात खळबळ उडवून दिली आहे. या प्लॅनमध्ये काय खास आहे, तो इतका लोकप्रिय का होत आहे? चला जाणून या…
अनेक फायदे
सुमारे 1999 रुपयांच्या या प्लॅनमध्ये JioPhone 4G यूजर्सना मोफत देण्यात येत आहे. 2 वर्षांसाठी रिचार्ज करण्याची गरज नाही. यासोबतच जिओ अॅपच्या सबस्क्रिप्शनसह 4G सुविधा आणि 48 GB डेटा देखील उपलब्ध आहे. फोन पण खूप चांगला आहे. यात 2.4-इंचाचा QVGA डिस्प्ले आहे. तसेच, यात SD कार्ड स्लॉटसह अल्फान्यूमेरिक कीपॅड आहे. त्याचबरोबर हेडफोन जॅक देखील देण्यात आला आहे.
इतर वैशिष्ट्ये
यात टॉर्च लाइट, रिंगटोन, कॅमेरा, मायक्रोफोन आणि स्पीकर, कॉल इतिहास आणि फोन संपर्क इत्यादींचा समावेश आहे. या फोनमधील बॅटरीबद्दल बोलायचे झाले तर ती 1500mAh आहे. हे 9 तासांपर्यंत टॉकटाइम प्रदान करते. फोनमध्ये 128 जीबी पर्यंतचे मायक्रोएसडी कार्ड देण्यात आले आहे. तसेच 0.3 मेगापिक्सेलचा रियर आणि फ्रंट कॅमेरा देखील आहे. यामध्ये हिंदी, इंग्रजीसह 18 भाषांचा आधार घेण्यात आला आहे.
