नवी दिल्ली (इंडिया दर्पण वृत्तसेवा) – आता गेमिंग उद्योगाचा चेहरामोहरा पूर्णपणे बदलणार आहे. त्यासाठी आता हाय-ग्राफिक किंवा हाय-एंड गेमिंग खेळण्यासाठी महागड्या गॅजेट्सची गरज भासणार नाही. 5G तंत्रज्ञानासह, एंट्री-लेव्हल 5G मोबाइल फोनसह गेमर आता हाय-एंड गेम खेळण्याचा आनंद घेऊ शकतील. हाय-ग्राफिक्स/हाय-एंड गेम्स कोणत्याही मोबाईल, लॅपटॉप, पीसी आणि जिओ सेट टॉप बॉक्सवर खेळता येणार आहे.
हे सर्व जिओच्या क्लाउड गेमिंग तंत्रज्ञानाद्वारे शक्य होणार आहे. जिओच्या क्लाउड गेमिंग तंत्रज्ञानामुळे देशात ई-स्पोर्ट्सला चालना मिळेल अशी अपेक्षा आहे. रिलायन्स जिओने प्रगती मैदान, दिल्ली येथे सुरू असलेल्या इंडिया मोबाइल काँग्रेसमध्ये या क्लाउड गेमिंग तंत्रज्ञानाचे प्रदर्शन केले आहे.
ही देशातील गेमिंग समुदायासाठी सर्वात मोठी आनंदाची बातमी आहे. भारतीय व्यावसायिक गेमर्सना आता आंतरराष्ट्रीय खेळाडूंप्रमाणे हाय स्पीड आणि विना विलंब मिळेल. तसेच त्यांच्या मोबाईलवर आंतरराष्ट्रीय गेमिंग स्पर्धांचा सराव करू शकतील. सराव जास्त झाला तर आंतरराष्ट्रीय क्रमवारीतही सुधारणा होईल आणि सर्वात चांगली गोष्ट म्हणजे यासाठी त्यांना फायबर किंवा डेडिकेटेड लीज लाइन्सची आवश्यकता नाही.
5G चा पिंग रेट किंवा लेटन्सी रेट 4G पेक्षा खूपच कमी आहे, त्यामुळे प्रोफेशनल गेमर एकाच वेळी अनेक कमांडसह अनेक स्क्रीन ऑपरेट करू शकतात. 5G च्या आगमनाने, स्पीड तर वाढेलच पण गेममध्ये वापरल्या जाणार्या ग्राफिक्स आणि अॅनिमेशनची पातळीही अनेक पटींनी वाढेल.
गेमिंगमध्ये जोडले जाणारे आणखी एक मनोरंजक वैशिष्ट्य म्हणजे ‘गेम लाइव्ह स्ट्रीमिंग’ आणि ‘लाइव्ह कॉमेंटरी’. रिलायन्स जिओच्या या तंत्रज्ञानाद्वारे गेम खेळण्यासोबतच आता त्याचे थेट प्रक्षेपण ‘जिओ गेम वॉच’वर करता येणार आहे. यामुळे भारतीय ई-स्पोर्ट्समध्ये जिवंतपणा आणतील .
जिओ गेम वॉचवर गेमिंग स्क्रीनच्या टेलिकास्टसह, गेमर्स लाइव्ह कॉमेंट्रीमध्येही त्यांचा हात आजमावू शकतात. अनेक लोक त्यांच्या समालोचनासह त्यांच्या स्वतःच्या चॅनेलवर एकाच वेळी एकाच गेमचे थेट प्रसारण करण्यास सक्षम असतील. क्रिकेटसारखी समालोचन केल्याने भारतात ई-स्पोर्ट्स ची आवड असलेल्या लोकांची संख्याही वाढेल. हे तंत्रज्ञान व्यावसायिक गेमर तसेच ई-क्रीडाप्रेमींना आकर्षित करेल.
Reliance Jio 5G Cloud Gaming Technology
