इंडिया दर्पण ऑनलाईन डेस्क – रिलायन्स इंडस्ट्रीज लिमिटेड (RIL) ची उपकंपनी असलेल्या रिलायन्स न्यू एनर्जी लिमिटेडने लिथियम वर्क्स बीव्हीची सर्व मालमत्ता ६१ दशलक्ष डॉलरमध्ये विकत घेतली आहे. यामध्ये कंपनीच्या भविष्यातील विकासासाठी निधीचाही समावेश आहे. या करारावर स्वाक्षरी करण्यात आल्याचे रिलायन्स इंडस्ट्रीज लिमिटेडने जारी केलेल्या प्रसिद्धीपत्रकात म्हटले आहे. त्यात लिथियम वर्क्सचा संपूर्ण पेटंट पोर्टफोलिओ, चीनमधील उत्पादन युनिट, मोठे व्यावसायिक करार आणि विद्यमान कर्मचाऱ्यांची नियुक्ती यांचा समावेश असल्याचे त्यात म्हटले आहे.
लिथियम आयर्न फॉस्फेट बॅटरीज आणि लिथियम वर्क्सच्या एलएफपी (लिथियम आयर्न फॉस्फेट बॅटरी) सोल्यूशन्सच्या एकात्मिक पोर्टफोलिओच्या मागणीत वाढ झाल्यामुळे ही मालमत्ता विकत घेण्यात आली आहे. जागतिक स्तरावर या संधींचा फायदा घेण्यासाठी रिलायन्सने हे पाऊल उचलले आहे, असे कंपनीने सांगितले. यामुळे रिलायन्सचा तंत्रज्ञान पोर्टफोलिओ मजबूत होईल आणि एलएफपी पेटंटच्या जगातील आघाडीच्या पोर्टफोलिओमध्ये रिलायन्सला प्रवेश मिळेल, असेही त्यात म्हटले आहे. फॅरेडियन लिमिटेड आणि लिथियम वर्क्सच्या संपादनासह वरिष्ठ व्यवस्थापन संघांच्या तंत्रज्ञानाचा आणि अनुभवाचा फायदा घेऊन, एंड-टू-एंड बॅटरी इकोसिस्टम तयार करण्यास सांगितले.
रिलायन्स इंडस्ट्रीज लिमिटेडचे अध्यक्ष मुकेश अंबानी म्हणाले की एलएफपी (लिथियम आयरन फॉस्फेट बॅटरी) एनएमसी आणि इतर रसायनांच्या तुलनेत कोबाल्ट आणि निकेल फ्री बॅटरी, कमी किमतीत मिळते. तसेच तसेच त्याचे आयुष्यही दीर्घ असल्याने आघाडीच्या रसायनांपैकी हे एक आहे. ते पुढे म्हणाले की, लिथियम वर्क्स ही जागतिक स्तरावरील आघाडीच्या एलएफपी सेल उत्पादन कंपन्यांपैकी एक आहे. आम्ही लिथियम वर्क्स टीमसोबत काम करण्यास उत्सुक आहोत आणि ज्या गतीने आम्ही भारतीय बाजारपेठांसाठी एंड-टू-एंड बॅटरी उत्पादन आणि पुरवठा इकोसिस्टम स्थापन करण्याच्या दिशेने वाटचाल करत आहोत, असेही अंबानी म्हणाले.
