मुंबई (इंडिया दर्पण वृत्तसेवा) – एखाद्या बँकेचे अस्तित्व संपुष्टात येते तेव्हा एकीकडे बँकेची मालकी असलेल्यांसाठी काही प्रमाणात तोटा असतो, पण ग्राहकांसाठी तो खूप मोठा फायगा असतो. कारण बँकेचे विलिनिकरण ग्राहकांसाठी नव्या संधी आणि सुविधा घेऊन येत असते. अकोला मर्चंट को-ऑपरेटिव्ह बँकेच्या संदर्भात सध्या तशीच स्थिती आहे.
अकोला मर्चंट को-ऑपरेटिव्ह बँक आता दि जळगाव पीपल्स को-ऑपरेटिव्ह बँकेत विलिन होणार आहे. त्यामुळे अकोला मर्चंटचे अस्तित्व संपुष्टात येणार आहे. २८ ऑगस्टला हे विलिनिकरण झालेले असेल. रिझर्व्ह बँक ऑफ इंडियाने या विलिनिकरणास मंजुरी दिल्यामुळे सगळे मार्ग मोकळे झाले आहे. २८ ऑगस्टपासून द जळगाव पीपल्स को-ऑपरेटिव्ह बॅंकेच्या शाखा म्हणून काम करणार आहेत. ही बँक जळगाव येथे कार्यरत आहे. बँकिंग रेग्युलेशन अॅक्ट, १९४९ च्या कलम ५६ आणि कलम ४४ए च्या उप-कलम (४) नुसार रिझर्व्ह बँकेने आपल्या अधिकारांचा वापर करून या विलीनीकरणाला मंजुरी दिली आहे. या निर्णयामुळे बँकिंग क्षेत्र मजबूत होण्यास हातभार लागेल आणि दोन्ही संस्थांच्या ग्राहकांना दिल्या जाणाऱ्या सेवांमध्ये वाढ होईल अशी अपेक्षा व्यक्त करण्यात येत आहे.
यापूर्वी चैनसुख संचेतींना धक्का
भाजपचे माजी आमदार चैनसुख संचेती अध्यक्ष असलेल्या मलकापूर अर्बन बँकेचा परवाना रिझर्व्ह बँक ऑफ इंडियाने रद्द केला होता. बँकेकडे पुरेसे भांडवल उपलब्ध नाही, सोबतच बॅंक ठेवीदारांचे पैसे परत करु शकत नसल्याने आरबीआयने मलकापूर अर्बन को-ऑपरेटिव्ह बँकेचा परवाना रद्द केला आहे. २४ नोव्हेंबर २०२१ रोजी बॅंकेची आर्थिक स्थिती खालवल्याने आरबीआयने निर्बंध आणले होते. परिस्थितीत सुधार करण्यासाठी आरबीआयने वेळ दिला होता. मात्र परिस्थिती न सुधारल्याने परवाना रद्द करण्याची वेळ आली.
RBI Maharashtra Co Operative Merchant Bank Merger Approval
Akola Jalgaon Peoples Banking Finance Reserve Bank of India
