मुंबई (इंडिया दर्पण वृत्तसेवा) – रिझर्व्ह बँकेच्या चलनविषयक धोरण समितीने (MPC) आज मोठा निर्णय घेतला आहे. समितीच्या सर्व सदस्यांनी एकमताने व्याजदर स्थिर ठेवण्याचे निश्चित केले आहे. रिझर्व्ह बँकेचे गव्हर्नर शक्तीकांत दास यांनी पत्रकार परिषद घेऊन आज रेपो दरांबाबत घोषणा केली. ते म्हणाले की, जागतिक स्तरावर व्याजदर दीर्घकाळ उच्च राहतील. जागतिक अर्थव्यवस्थेमध्ये महागाई आणि कर्जाची आव्हाने कायम आहेत. भारत इतर देशांच्या तुलनेत आर्थिक आव्हानांना सामोरे जाण्यास अधिक सक्षम आहे.
रेपो दर ६.५ टक्के राहील, अशी घोषणा आरबीआयचे गव्हर्नर शक्तीकांत दास यांनी एमपीसीच्या बैठकीनंतर केली. ते म्हणाले की, बँका मजबूत आहेत. एनपीए कमी झाला आहे. कॉर्पोरेट बॅलन्स शीट मजबूत झाली आहे. भारताची मजबूत आर्थिक मूलभूत तत्त्वे कायम आहेत. भारतीय अर्थव्यवस्था मजबूत आहे. भाज्यांच्या किमती वाढल्याने महागाईवर परिणाम झाला आहे. जुलै-ऑगस्टमध्ये महागाई वाढण्याची शक्यता झाल्याचे आरबीआय गव्हर्नर यांनी व्यक्त केली आहे.
दास यांनी सांगितले की, एमपीसीच्या बैठकीत सर्व सदस्यांनी एकमताने व्याजदर स्थिर ठेवण्याच्या बाजूने होते. जागतिक स्तरावर व्याजदर दीर्घकाळ उच्च राहतील. जागतिक अर्थव्यवस्थेमध्ये महागाई आणि कर्जाची आव्हाने कायम आहेत. भारत इतर देशांच्या तुलनेत आर्थिक आव्हानांना सामोरे जाण्यास अधिक सक्षम आहे.
एमपीसीच्या बैठकीनंतर, शक्तीकांत दास म्हणाले की, आमची अर्थव्यवस्था वाजवी गतीने वाढत आहे आणि जगातील पाचवी सर्वात मोठी अर्थव्यवस्था बनली आहे आणि जागतिक वाढीमध्ये सुमारे १५% योगदान देत आहे. CPI आर्थिक वर्ष २४ मध्ये ५.१% वरून ५.४% पर्यंत वाढण्याचा अंदाज आहे. आर्थिक वर्ष २०२४मध्ये GDP वाढ ६.५% असू शकते. तर आर्थिक वर्ष २५ मध्ये जीडीपी ६.६% असू शकतो. तर CPI ५.२% असण्याचा अंदाज आहे. चलनविषयक धोरणाचे प्रसारण अद्याप सुरू आहे, कारण हेडलाइन महागाई ४ टक्क्यांच्या लक्ष्यापेक्षा जास्त आहे. एमपीसी महागाईबाबत जागरुक राहील आणि महागाई लक्ष्य पातळीपर्यंत खाली आणण्याच्या आपल्या वचनबद्धतेत स्थिर राहील, असे दास यांनी सांगितले.
Monitory Policy
