मुंबई – महागाईने त्रस्त असलेल्या सामान्य माणसाला आणखी एक आर्थिक फटका सुरू झाला आहे. कारण एटीएममधून पैसे काढणे महाग झाले आहे. रिझर्व्ह बँक ऑफ इंडियाने (आरबीआय) एटीएम व्यवहारासाठी शुल्क वाढविले असून १ ऑगस्टपासून ते लागू झालेे आहे.
आर्थिक व्यवहाराची देवाणघेवाण फी १५ रुपयांवरून १७ रुपये करण्यात आली आहे. आणि बिगर आर्थिक व्यवहार शुल्क ५ रुपयांवरून ६ रुपयांपर्यंत केले आहे. रिझर्व्ह बँक ऑफ इंडियाच्या मते, इंटरचेंज फी ही क्रेडिट बँक आणि डेबिट कार्डच्या माध्यमातून व्यापाऱ्यांना बँकांकडून शुल्क आकारले जाते.
विशेष म्हणजे १ जानेवारी २०२२ पासून एटीएममधून पैसे काढणे पूर्वीपेक्षा आणखी महाग होईल. रिझर्व्ह बँकेने म्हटले आहे की, १ जानेवारीपासून अतिरिक्त एटीएम व्यवहारांना २१ रुपयांपर्यंत शुल्क भरावे लागेल. वास्तविक आरबीआयच्या नियमांनुसार बँक एका महिन्यात ५ एटीएम व्यवहारांसाठी आपल्या ग्राहकांकडून कोणतीही फी आकारू शकत नाही. या व्यतिरिक्त व्यवहारासाठी २० रुपये फी भरावी लागते. इतर बँकांचे एटीएम वापरणार्‍या लोकांना मेट्रो शहरांमध्ये मोफत व मेट्रो नसलेल्या शहरांमध्ये व्यवहारांसाठी कोणतेही शुल्क भरावे लागत नाही.
रिझर्व्ह बँक ऑफ इंडियाने जारी केलेल्या अधिसूचनेत एटीएमसाठीच्या व्यवहारांच्या इंटरचेंज फीमध्ये यापुर्वी ऑगस्ट २०१२ मध्ये बदल करण्यात आला होता. तर ग्राहकांनी भरलेल्या शुल्कामध्ये अखेरची सुधारणा २०१४ मध्ये करण्यात आली होती. त्यानुसार या दरांमध्ये बदल झाल्यापासून बराच काळ गेला आहे. एसबीआय बेसिक सेव्हिंग्ज बँक डिपॉझिट (बीएसबीडी) खातेधारकांसाठी नवीन सेवा शुल्क १ जुलै पासून लागू करण्यात आला आहे. बँकेने एटीएममधून पैसे काढणे, चेकबुक, पैसे बदलणे आणि बिगर आर्थिक व्यवहारांवर सेवा शुल्क वाढविण्याचा निर्णय घेतला होता, तो आता लागू करण्यात आला आहे.
