इंडिया दर्पण ऑनलाईन डेस्क
भारतीय रिझर्व्ह बँक लवकरच महात्मा गांधी (नवीन) मालिकेतील १० आणि ५०० रुपयांच्या नोटा जारी करणार आहे. ज्यावर गव्हर्नर संजय मल्होत्रा यांची स्वाक्षरी आहे. या नोटांची रचना सर्व बाबतीत महात्मा गांधी (नवीन) मालिकेतील १० आणि ५०० रुपयांच्या नोटांसारखीच आहे.
रिझर्व्ह बँकेने पूर्वी जारी केलेल्या १० रुपयांच्या सर्व नोटा कायदेशीर चलन म्हणून चालू राहतील. रिझर्व्ह बँकेने पूर्वी जारी केलेल्या महात्मा गांधी (नवीन) मालिकेतील ५०० रुपयांच्या सर्व नोटा देखील कायदेशीर चलन म्हणून चालू राहतील अशी माहिती भारतीय रिझर्व्ह बँकेचे मुख्य महाव्यवस्थापक पुनीत पंचोली यांनी दिली.
संजय मल्होत्रा हे १९९० च्या बँचचे आणि राजस्थान केडरचे सनदी अधिकारी आहेत. त्यांनी कानपूरमधून कंप्यूटर विज्ञानमध्ये अभियांत्रिकीची पदवी मिळवली आहे. त्यांना केंद्र सरकारमधील वित्त आणि कर आकारणी या क्षेत्राचा मोठा अनुभव आहे.
