इंडिया दर्पण ऑनलाईन डेस्क
शिवसेना मुख्य नेते व उपमुख्यमंत्री एकनाथ शिंदे यांनी शिवसेना पुणे महानगर प्रमुख पदी माजी आमदार रवींद्र धंगेकर यांची नियुक्ती केली आहे. शिवसेना पक्षाकडून त्यांचे अभिनंदन आणि शुभेच्छा.
काही दिवसापूर्वी एकनाथ शिंदे यांच्या उपस्थितीत राष्ट्रीय काँग्रेस पक्षातून रविंद्र धंगेकर यांनी शिवसेना पक्षात जाहीर प्रवेश केला होता. त्यानंतर अवघ्या काही दिवसातच त्यांनी ही मोठी जबाबदारी देण्यात आली आहे. धंगेकर शिवसेनेत आले तेव्हा सगळ्यांना कळेल ‘हु इज धंगेकर’ ? असे म्हणत उपमुख्यमंत्री शिंदे यांनी त्यांचे पक्षात स्वागत केले होते. आता त्यांच्यावर ही मोठी जबाबदारी देण्यात आली आहे.
रविंद्र धंगेकर यांना पुण्यातील लोकप्रिय नेते म्हणून ओळखले जाते. आपल्या कामातून वेगळी ओळख निर्माण करत त्यांनी लोकसेवक काय असतो, हे दाखवून दिले आहे.
पुणे महानगर पालिकेच्या निवडणुकीच्या पार्श्वभूमीवर ही नियुक्ती करण्यात आली आहे. पुण्यात भाजप व राष्ट्रवादी अजित पवार गट हे दोन्ही सत्तेतील पक्ष पॅावरफुल आहे. त्यामुळे शिवसेना शिंदे गटाने धंगेकर यांच्यावर मोठी जबाबदारी दिली आहे.
