इंडिया दर्पण ऑनलाईन डेस्क
देशातील प्रसिध्द उद्योगपती व टाटा समूहाचे माजी अध्यक्ष रतन टाटा यांची प्रकृती खालावली असून त्यांना तातडीने मुंबईतील ब्रीच कँडी हॅास्पिटलमध्ये उपचार सुरु आहे. रॅायटर्सने बुधवारी सूत्रांच्या हवाल्याने ही माहिती दिली. ७ ऑक्टोंबरला रक्तदाब कमी झाल्याने त्यांना रुग्णालयात दाखल करण्यात आले होते. त्यांच्यावर अतिदक्षता विभागात उपचार चालू आहेत.
या अगोदर त्यांनी सोशल मीडियावर पोस्ट मध्ये म्हटले होते की, माझ्या आरोग्याबाबत पसरत असलेल्या अलीकडील अफवांची मला जाणीव आहे. हे दावे निराधार आहेत. याची सर्वांना खात्री देऊ इच्छितो. माझे वय आणि संबंधित वैद्यकीय परिस्थितीमुळे मी सध्या वैद्यकीय तपासणी करत आहे. चिंतेचे कारण नाही. मी विनंती करतो की सार्वजनिक आणि माध्यमांनी चुकीची माहिती पसरवण्यापासून दूर राहावे.
पण, आज पुन्हा त्यांची प्रकृती खालावली असल्याची माहिती रॅायटर्सने दिली.
