इंडिया दर्पण ऑनलाईन डेस्क
विडंबनात्मक गाण्याव्दारे एकनाथ शिंदे यांचे नाव न घेता केलेल्या टिपण्णीमुळे कुणाल कामरावर शिंदे गटाचे शिवसैनिक चांगलेच भडकले असतांना मनसेचे माजी आमदार राजू पाटील यांनी त्यांच्या एका नव्या गाण्यासाठी कामराचे धन्यवाद केले आहे. त्यात त्यांनी आम्हा डोंबिवलीकरांच्या व्यथा मांडल्याबद्दल ! धन्यवाद म्हणत या गाण्यांचा व्हिडिओ सुध्दा त्यांच्या सोशल मीडियाच्या अकाऊंटवर शेअर केला आहे.
शिवसेना शिंदे गटाच्या शिवसैनिकांनी हे विडंबनात्मक गाणं आल्यानंतर मुंबईतील हॅाटेलमध्ये जाऊन कामराच्या शोच्या सेटची तोडफोड केली होती. त्यानंतर या तोडफोडीप्रकरणी पोलिसांनी ११ शिवसैनिकांना अटक केली होती. या गाण्यानंतर सत्ताधारांनी कामराला लक्ष्य केले. तर विरोधकांनी त्यांच्या बाजूने मते मांडली. त्यामुळे कमागाराचे हे गाणे चांगलेच चर्चेत राहिले. एकीकडे शिवसैनिकांनी कामराने माफी मागावी अशी मागणी केली तर कामराने माफी मागण्यास नकार दिला. त्यामुळे हे गाणे चांगलेच वादात पडले.
असे आहे हे नवं गाणं
इन सडकोंकी बरबादी, करने सरकार है आई
मेट्रो है इनके मन मै, खोद कर ये ले अंगडाई
ट्राफिक बढाने ये है आई, ब्रिजेस गिराने ये है आई
कहते है इसको, तानाशाई
असे या गाण्याचे बोल असून राजू पाटील यांनी तो व्हिडिओ त्यांच्या अकाऊंटवर शेअर केला आहे. #बिल्डरांची_मेट्रॅा #MMRDA #MSRDC #टक्केवारी #kunal_kamra अशे हॅशटॅगही त्यांनी वापरले आहे.
याअगोदर संजय राऊत यांनी केली ही टीका
याअगोदर खासदार संजय राऊत यांनी या घटनेनंतर सोशल मीडियात कुणालचा व्हिडिओ पोस्ट केला. त्यात म्हटले की, कुणाल कामरा एक जानेमाने लेखक और स्टँडप कॉमेडियन है…कुणालने महाराष्ट्रकी राजनीती पर एक व्यंगात्मक गाना लिखा तो शिंदे गैंग को मिरची लगी. उनके लोगोने कामराका स्टूडियो तोड दिया. देवेंद्रजी, आप कमजोर गृहमंत्री हो!
