इंडिया दर्पण ऑनलाईन डेस्क – सध्या आपल्या देशात काय चालले आहे ? कुठे महिलांची नग्न धिंड निघते तर कुठे एखाद्या महिलेचे तुकडे – तुकडे केले जातात, तिला कुकर मध्ये शिजवले जाते, किती अमानुष प्रकार होत आहेत, केवळ एका राज्यांत नव्हे तर अनेक राज्यांमध्ये महिलांवरील अत्याचार वाढले आहेत, आता अशाच प्रकारे राजस्थान म्हणून आणखीन एक भयानक घटना उघड झाली आहे भिलवाडामध्ये एका १२ वर्षीय बालिकेवर सामूहिक बलात्कारानंतर भट्टीत जिवंत जाळण्यात आल्याची अमानुष घटना समोर आली आहे.
शेळ्या चारण्यासाठी गेली अन्…
भिलवाडातील कोत्री पोलीस ठाण्याच्या हद्दीतील नरसिंहपुरा गावाचे आहे. गावात राहणारी १२ वर्ष वयाची एक गरीब घरातील मुलगी शेळ्यांना चारण्यासाठी शेतात गेली होती. बराच वेळ झाला पण ही मुलगी घरी परत आली नाही, रोज ती वेळेवर येत असे आणि घर कामात पुन्हा मदत करीत असे. मात्र तिला उशीर झाल्याने घरच्यांनी तिला शोधण्याचा प्रयत्न केला. त्यांना शेतात वीटभट्टीत काहीतरी जळत असलेले दिसले. भट्टीजवळ पाहिले असता कोळशाच्या राखेत मुलीची चांदीची बांगडी आढळली. भट्टीजवळ मुलीच्या मृतदेहाचे तुकडेही सापडले. त्यामुळे तिच्या कुटुंबियांच्या पायाखालची जमीनच हालली, काय करावे त्यांना समजेना, सर्वजण मोठ्या दुःखात बुडाले.
बांगडीवरुन संशय
आपली मुलगी कुठेच दिसत नाही परंतु तिची हातातील बांगडी या भट्टीजवळ कशी काय अशी शंका तिच्या कुटुंबीयांना आली, तिची चांदीची बांगडी दिसल्याने त्यांच्या मनात मोठा संशय आला. याबाबत त्यांनी परिसरातील लोकांकडे चौकशी केली असता मुलीवर सामूहिक बलात्कार करुन तिला भट्टीत जाळल्याची माहिती मिळाली. परिसरात चौकशी केल्यानंतर मुलीवर सामूहिक बलात्कार झाल्याचे समजले. घटनेची माहिती तात्काळ पोलिसांना देण्यात आली. ही बाब पोलिसांच्या निदर्शनास येताच एक पथक तातडीने घटनास्थळी पोहोचले. संबंधित तपास पथकालाही पाचारण करण्यात आले. त्यानंतर फॉरेन्सिक पथकाने मुलीचे अवयव व बांगडी जप्त केले आहेत. सध्या पोलिसांनी काही संशयितांना ताब्यात घेऊन तपास सुरू केला आहे. या घटनेमुळे सर्वत्र खळबळ उडाली आहे.
Rajasthan Bhilwara Girl Child Gang Rape burned alive
Crime Police narsihpura minor district coal furnace bhatti
