इंडिया दर्पण ऑनलाईन डेस्क
शिवसेना- मनसेच्या युतीची चर्चा सुरु असतांनाच आज मनसेप्रमुख राज ठाकरे यांनी पत्रकारांची फिरकी घेतली. आज राज ठाकरे हे शिवर्तीर्थवर जातोय, असं मिश्किल उत्तर राज ठाकरेंनी दिले. त्यानंतर लगेच मी घरगुती कामासाठी बहिणीकडे जातोय असे त्यांनी सांगितले.
शुक्रवारी उध्दव ठाकरे यांनी महाराष्ट्राच्या मनात जे आहे ते होणार, आता संकेत देणार नाही, थोड्या दिवसात बातमीच देतो असे थेट विधान केले. शिवसैनिकांच्या मनात कोणताही संभ्रम नाही, त्यांच्या कार्यकर्त्यांच्या मनातही कोणताही संभ्रम नाही असे ते म्हणाले होते. त्यानंतर आज सामनामध्ये मोठी बातमी आली. त्यात राज व उध्दव ठाकरे यांचा जुना फोटोही छापण्यात आले. त्यानंतर राज ठाकरे यांनी मातोश्रीवर चाललो असे विधान करत पत्रकारांची फिरकी घेतली.
गेल्या काही दिवसांपासून मनसे – शिवसेना युतीबाबत सकारात्मक विधाने येत आहेत. त्यात अनेकांचे सूचक वक्तव्यही समोर आले. पण, त्यावर थेट चर्चा होत नाही. त्यामुळे राज ठाकरे यांच्या बैठकीत काय निर्णय होतो. हे महत्त्वाचे आहे. काल उध्दव ठाकरे यांनी युतीसंबधी जे बारकावे असतील त्यावर आम्ही काय करायचे ते पाहू असेही ते म्हणाले. या विधानावर मनसे नेते अविनाश देशपांडे यांनी प्रतिक्रिया दिली. ज्यावेळी आमच्याकडे युतीचा ठोस प्रस्ताव येईल त्यावेळी त्यावर राज ठाकरे निर्णय घेतील. तर संदीप देशपांडे यांनी सांगितले की ते काय बातमी देणार याची वाट पाहू.
