रेल्वेच्या पॉइंटमनची सुपरहिरो सारखी कामगिरी; काय केलं असं? (बघा व्हिडिओ)

विशेष प्रतिनिधी, मुंबई

एक एक्स्प्रेस वेगाने येत असताना रूळावर अपघाताने पडलेल्या मुलाला वाचवण्यासाठी एक तरुण धावत येऊन त्याला एखाद्या सुपरहिरोप्रमाणे वाचवतो आणि त्याच्या दिव्यांग आईकडे सोपवतो. वांगणी येथील हा व्हिडिओ सध्या सोशल मीडियावर चांगलाच व्हायरल होत आहे. रेल्वे विभागात पॉइंटमन म्हणून काम करणारा तरुण मयूर शेळके सर्वांच्याच कौतुकास पात्र ठरत आहे. जीवाची पर्वा न करता त्याने केलेल्या कामगिरीची दखल घेऊन रेल्वे मंत्रालयाने त्याला ५० हजार रुपयांचे बक्षीस जाहीर केले आहे.

मध्य रेल्वेच्या वांगणी स्थानकावर सायंकाळी पाचच्या सुमारास एका दृष्टिहीन दिव्यांग आईसोबत सहा वर्षांचा मुलगा प्लॅटफॉर्मवर चालत होता. चालताना तोल जाऊन तो रेल्वे रूळावर पडला. त्याच वेळेदरम्यान उदयन एक्स्प्रेस वेगाने येत होती. त्या मुलाची आई मुलगा कुठे पडला हे चाचपडत होती. रेल्वे येत असल्याचे पाहून मुलगा प्लॅटफॉर्मवर चढण्याचा प्रयत्न करू लागला.

परंतु प्लॅटफॉर्मची उंची जास्त असल्याने त्याला चढता येत नव्हते. ही बाब ओळखून तिथे तैनात असलेल्या पॉइंटमन मयूर शेळके याने क्षणाचाही विलंब केला नाही. रेल्वे काही सेकंदाच्या अंतरावर असताना त्याने प्राणाची बाजी लावत मुलाला प्लॅटफॉर्मवर उचलून ठेवले. आणि स्वतः प्लॅटफॉर्मवर वेगाने चढला. काही सेंकंदाचा थरार तिथल्या सीसीटीव्ही कॅमेर्यात कैद झाला आहे.

बघा व्हिडिओ

Original footage. Mumbai rail hero Mayur Shelke pic.twitter.com/qS8Nf5j59C

— Rajendra B. Aklekar (@rajtoday) April 26, 2021