इंडिया दर्पण ऑनलाईन डेस्क
जळगाव – पाचोरा दरम्यान पुष्पक एक्सप्रेसला आग लागण्याच्या भीतीने प्रवाशांनी जीव वाचवण्यासाठी उड्या मारल्या. मात्र समोरून येणाऱ्या कर्नाटक एक्सप्रेसने अनेकांना उडवल्याची घटना घडली आहे. या अपघातात आठ ते नऊ जणांचा मृत्यू झाल्याची भीती व्यक्त करण्यात येत आहे. तसेच या भीषण अपघाताने जळगावमध्ये एकच खळबळ उडाली आहे. पाचोरा ते माहेजी दरम्यान ही परधाडे येथे ही घटना घडल्याचे बोलले जात आहे.
पुष्पक एक्सप्रेसच्या गाडीने ब्रेक दाबल्यामुळे चाकातून धूर आल्याने आगीची अफवा पसरुन प्रवाशांनी रुळांवर उड्या मारल्या. त्याचवेळी दुस-या दिशेने येणा-या भरधाव कर्नाटक एक्सप्रेसने प्रवाशांना उडवल्याची घटना घडली. या अपघातात ४० हून अधिक प्रवाशी जखमी झाले आहे.
या अपघातात सहा ते आठ लोकांचा मृत्यू झाल्याची प्राथमिक माहिती असल्याचे जळगावचे जिल्हाधिकारी यांनी दिली. या संदर्भात रेल्वे प्रशासनाकडून मदत घेतली जात असून जखमींवर उपचार केले जात आहेत. या ठिकाणी बचाव पथक पोहचल्याचं जिल्हाधिकारी यांनी सांगितले.
https://twitter.com/ANI/status/1882043767701770438
