इंडिया दर्पण ऑनलाईन डेस्क
विरोधी पक्षनेते राहुल गांधी यांना जीवे मारण्याची धमकी देणाऱ्या भाजपाचा माजी आमदार तरविंदरसिंह मारवाह याचे विधान अत्यंत आक्षेपार्ह व भडकाऊ आहे. गांधी कुटुंबाने देशासाठी तीन बलिदान दिली आहेत. गांधी कुटुंबाच्या जीवाला आजही धोका आहे, तरीही राहुल गांधी जीवाची पर्वा न करता सर्वसामान्य जनतेत मिसळतात. राहुल गांधी घाबरत नाहीत म्हणून आता त्यांना संपवण्याचीच भाषा केली जात आहे. भाजपाच्या नफरतच्या फॅक्टरीत तयार झालेल्या तरविंदरसिंह मारवाहच्या विधानावर पंतप्रधान नरेंद्र मोदी, गृहमंत्री अमित शाह व भाजपने भुमिका स्पष्ट करावी अशी मागणी काँग्रेसचे प्रदेशाध्यक्ष नाना पटोले यांनी केली.
यावेळी ते म्हणाले की, लोकसभेचे विरोधी पक्षनेते राहुल गांधी यांना जीवे मारण्याची धमकी देणाऱ्या तरविंदरसिंह मारवाह व भाजपाविरोधात काँग्रेस पक्षाचे राज्यभर आंदोलन. शुक्रवारी सकाळी ११.०० वाजता, प्रत्येक जिल्हा मुख्यालयाच्या ठिकाणी होणार असल्याचेही त्यांनी सांगितले.
पटोले म्हणाले की, काल आंदोलना दरम्यान मारवाह यांनी राहुल गांधी, बाज आ जा नहीं तो आनेवाले टाईम में तेरा भी वही हाल होता जो तेरी दादी का हुआ’ ही धमकी दिल्ली भाजपा नेते आणि माजी आमदार तरविंदर सिंह मारवाह यांनी दिली. सत्ताधारी पक्षाचा नेता चक्क विरोधी पक्षनेत्याला जीवे मारण्याची धमकी देत आहे. हीच का तुमची लोकशाही? हेच का तुमचं देशप्रेम? ज्या व्यक्तीच्या कुटुंबाचं देशाच्या स्वातंत्र्यात मोठं योगदान राहिलं आहे, अशा गांधी कुटुंबातल्या व्यक्तीला, विद्यमान विरोधी पक्षनेत्याला थेट संपवण्याची भाषा कशी वापरली जाते असा प्रश्नही त्यांनी उपस्थितीत केला.
जिथे आमचे नेते प्रेमाची गोष्ट करतात तिथे तुमचे नेते द्वेषाशिवाय काहीच बोलत नाही. यावर आता तुम्ही गप्प का? आणि तुमचा भारतीय जनता पक्ष झोपेचं सोंग घेऊन का बसला आहे.? या गंभीर घटनेवर आपण मौन बाळगू शकत नाही. द्वेषाचं विष पसरवणाऱ्या तुमच्या या नेत्यावर तुम्हाला कारवाई करावीच लागेल.मोदीजी, तुम्हाला देशात शांतता प्रस्थापित करायची असेल तर अशा खुले आम हत्या करण्याची धमकी देणाऱ्या गुंडांना वेळीच आवरा! असेही पटोले यांनी सांगितले.
