नवी दिल्ली (इंडिया दर्पण वृत्तसेवा) – भारतीय प्रतिस्पर्धा आयोगाने (CCI) ॲमॅझॉन आणि फ्लिपकार्टच्या ई-कॉमर्स प्लॅटफॉर्मवर उत्पादने विकणाऱ्या प्रमुख विक्रेत्यांच्या ठिकाणांवर छापे टाकले. दिल्ली आणि बंगळुरूमधील अॅमेझॉन आणि फ्लिपकार्टच्या दोन विक्रेत्यांवर छापे टाकण्यात आले. दोन्ही कंपन्यांनी त्यांच्या ऑनलाइन प्लॅटफॉर्मवर दोन विक्रेत्यांना सर्वाधिक पसंती दिल्याचे समोर आले आहे. त्यामुळे ते इतर विक्रेत्यांपेक्षा अधिक उत्पादने विकू शकले.
भारतीय रिटेलर्सकडून अॅमेझॉन आणि फ्लिपकार्टवर अनेक आरोप करण्यात आले होते. त्यांच्या मते, मोठ्या विक्रेत्यांना विशेष पसंती मिळते, समान उत्पादने कमी किमतीत विकली जातात, ई-कॉमर्स कंपन्या त्यांच्या वेबसाइटवर संग्रहित ग्राहकांच्या खरेदीच्या सवयींशी संबंधित डेटासह त्यांना मदत करतात. यामध्ये क्लाऊडटेल आणि अपारिओ या विक्रेत्या कंपन्यांचा समावेश आहे. ॲमॅझॉनची दोन्ही व्यवसायात अप्रत्यक्ष भागीदारी आहे. मात्र, कंपनीने अद्याप अधिकृत निवेदन जारी केलेले नाही. मागच्या वेळी ते म्हणाले होते की ॲमॅझॉनने सर्व विक्रेत्यांना समान वागणूक देते, कोणालाही प्राधान्य देत नाही.
सीसीआयच्या एका माजी अधिकाऱ्याने सांगितले की, एजन्सी अशी कारवाई करत नाही जोपर्यंत हे प्रकरण मोठ्या कार्टेलशी संबंधित नाही. या कंपन्या अॅमेझॉनशी जोडल्या गेल्यामुळे नवीनतम कारवाई महत्त्वपूर्ण आहे. याद्वारे सीसीआय ज्या गुंतागुंतीच्या व्यावसायिक प्रक्रियेबद्दल आरोप करण्यात आले होते ते समजून घेत आहोत. आयोगासाठी हे देखील पूर्णपणे नवीन क्षेत्र आहे.
ॲमॅझॉनचे अंतर्गत दस्तऐवजही असे दर्शवतात की काही विक्रेत्यांना काही वर्षांपासून ऑनलाइन प्लॅटफॉर्मवर प्राधान्य दिले गेले आहे. क्लाउडटेलचा यामध्ये समावेश आहे. विक्रेत्यांना ई-कॉमर्स फीमध्ये सूट मिळाली, ॲमॅझॉनने देखील मोठ्या टेक कंपन्यांच्या उत्पादनांची विक्री करण्यासाठी विशेष डिल्स या विक्रेत्यांना देण्यासाठी मदत केली.
म्हणून बळावला संशय
२०१९मध्ये ४ लाख विक्रेते ॲमॅझॉनवर त्यांचा माल विकत होते. ३५ विक्रेते दोन तृतीयांश विक्री करत होते, या दोन-तृतियांशमध्येही क्लाउडटेल आणि अपारिओचे वर्चस्व होते. गेल्या वर्षी आपली प्रतिमा संरक्षित करण्यासाठी, ॲमॅझॉनने मे २०२२नंतर क्लाउडटेल यापुढे विक्रेता राहणार नाही असे सांगितले होते.
