इंडिया दर्पण ऑनलाईन डेस्क – पंजाबमधील पतियाळात येथे शीख संघटनांच्या काही सदस्यांशी झालेल्या भांडणानंतर काही तासांनंतर शिवसेनेने त्यांच्या पंजाब युनिटच्या कार्याध्यक्षाची पक्षातून हकालपट्टी केली आहे. पतियाळामध्ये खलिस्तानी गटांविरोधात हे निदर्शने होत होते. मिळालेल्या माहितीनुसार, पतियाळामध्ये कायदा आणि सुव्यवस्था राखण्यासाठी आज संध्याकाळी 7 वाजल्यापासून शनिवार 30 एप्रिल रोजी सकाळी 6 वाजेपर्यंत कर्फ्यू लावण्यात आला आहे. तसे आदेश जिल्हाधिकाऱ्यांनी काढले आहेत.
शिवसेनेने एक निवेदन जारी करून म्हटले आहे की, पंजाब शिवसेना कार्याध्यक्ष हरीश सिंगला यांची पक्षातून हकालपट्टी करण्यात आली आहे. सिंगला यांनी पतियाळा येथे काढलेल्या रॅलीचे नेतृत्व हिंसक झाले. या हाणामारीत कथित भूमिका घेतल्याने काही कार्यकर्त्यांना निलंबितही करण्यात आले आहे. पतियाळा येथील काली माता मंदिराजवळ शुक्रवारी दोन गटांमध्ये हाणामारी झाली. खलिस्तानी गटांविरुद्ध मोर्चा काढणाऱ्या शिवसेनेची काही शीख संघटनांच्या सदस्यांशी झटापट झाली. हाणामारीत दगडफेक आणि तलवारीही चालवण्यात आल्या.
ही घटना दुर्दैवी असल्याचे सांगत पंजाबचे मुख्यमंत्री भगवंत मान म्हणाले की, ‘पटियाला येथील संघर्षाची घटना अत्यंत दुर्दैवी आहे. मी डीजीपींशी बोललो आहे. परिसरात शांतता प्रस्थापित झाली आहे. आम्ही परिस्थितीवर बारकाईने लक्ष ठेवून आहोत आणि कोणालाही राज्यात अशांततेचे वातावरण निर्माण करू देणार नाही. पंजाबमध्ये शांतता आणि सद्भावना खूप महत्त्वाची असल्याचे ते म्हणाले.
पोलीस महानिरीक्षक म्हणाले की, ही घटना घडली कारण ‘काही खोडकर घटकांनी अफवा पसरवल्या होत्या’. आम्ही परिस्थिती नियंत्रणात आणली आहे. आम्ही पतियाळा शहरात फ्लॅग मार्च करत आहोत. या घटनेत किती जण जखमी झाले, असे विचारले असता, ते म्हणाले की, ते अद्याप तपास करत आहोत. “काही अफवांमुळे तणाव वाढला होता, परंतु आता परिस्थिती नियंत्रणात आहे. आम्ही सर्वांना शांतता राखण्याचे आणि कोणत्याही अफवांवर विश्वास ठेवण्याचे आवाहन करतो, असे पोलिसांनी म्हटले आहे.
https://twitter.com/BhagwantMann/status/1520021907122253824?s=20&t=xZECCgRRq6jEcJgSMesUUg
