पंजाबचे मुख्यमंत्री भगवंत मान होणार विवाहबद्ध; कोण आहे त्यांची होणारी पत्नी?

इंडिया दर्पण ऑनलाईन डेस्क – पंजाबचे मुख्यमंत्री भगवंत मान दुसऱ्यांदा लग्न करणार आहेत. उद्या गुरुवारी (७ जुलै) चंदीगडमध्ये एका खाजगी समारंभात डॉ. गुरप्रीत कौर यांच्याशी ते लग्न करणार आहेत. या कार्यक्रमाला दिल्लीचे मुख्यमंत्री अरविंद केजरीवालही उपस्थित राहणार आहेत. चंदिगडमध्ये भगवंत मान यांच्या लग्नाची तयारी जोरात सुरू आहे. यामध्ये त्यांनी काही नातेवाईक आणि जवळच्या मित्रांनाच आमंत्रित केले आहे.

भगवंत मान यांनी पहिल्या पत्नीपासून ६ वर्षांपूर्वी घटस्फोट घेतला होता. या लग्नापासून त्याला दोन मुले आहेत, जी आपल्या आईसोबत अमेरिकेत राहतात. पंजाबच्या आम आदमी पार्टीचे प्रभारी राघव चड्ढा यांच्याकडे भगवंत मान यांच्या लग्नाच्या तयारीची जबाबदारी आहे. या लग्नाला फारशा व्यक्तींना निमंत्रित करण्यात आले नसले तरी आम आदमी पक्षाचे बहुतांश दिग्गज नेते उपस्थित राहणार आहेत. दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदियाही यावेळी उपस्थित राहणार आहेत.

पंजाबी मीडियामध्ये आलेल्या बातम्यांनुसार, भगवंत मान आणि गुरप्रीत हे विवाहबद्ध होणार आहेत. दोघेही एकमेकांना खूप दिवसांपासून ओळखतात. भगवंत मान हे शीख रितीरिवाजानुसार लग्न करणार आहेत. त्यांची भावी पत्नीही शीख समुदायातीलच आहे. त्या मूळच्या पंजाबच्या आहेत. भगवंत मान यांची पहिली पत्नी इंद्रप्रीत कौर या होत्यात. ज्यांच्यापासून त्यांनी घटस्फोट घेतला.

भगवंत मान यांनी २०१४ मध्ये राजकारणात प्रवेश केला. परंतु २०१५ मध्ये त्यांनी पंजाब हे त्यांचे कुटुंब असल्याचे सांगून पत्नी आणि मुलांपासून स्वतःला दूर केले. लोकांमध्ये आनंदी जोडप्याची प्रतिमा असलेल्या भगवंत मान आणि इंद्रप्रीत कौर यांनी एसएएस नगर न्यायालयात घटस्फोटासाठी अर्ज केला होता. या बातमीने अनेकांना धक्का बसला. अशा परिस्थितीत आपण ‘परिवार आधी पंजाब’ निवडल्याचा दावा मान यांनी केला. त्या काळातही न्यायालयाने त्यावर विचार करण्यासाठी ६ महिन्यांची मुदत दिली होती, मात्र मान यांनी निर्णय कायम ठेवला. त्यानंतर त्यांना घटस्फोट मिळाला.

विशेष म्हणजे, भगवंत मान यांनी एक कविताही त्यावेळी पोस्ट केली होती. ती अशी होती- ‘जो लटकेयां सी चिरा तो ओ हल हो गया, कोर्ट छ एह फैसला कल हो गया… एक पासे सी परिवार, दुजे पास सी परिवार… मैं तो यारण पंजाब दे वाल हो गया’ ‘गेले.’ याचा अर्थ दीर्घकाळ प्रलंबित असलेला प्रश्न निकाली निघाला आहे. न्यायालयाने काल निर्णय दिला आहे. मला एक आणि दुसरं कुटुंब यापैकी एक निवडायचं होतं. मी पंजाबसोबत जाण्याचा निश्चय केला आहे.

Punjab Chief Minister Bhagwant Mann Wedding Ceremony AAP Dr Gurprit Kaur