बंगळुरु – कन्नड सुपरस्टार पुनीत राजकुमारचे हृदयविकाराच्या झटक्याने निधन झाले. छातीत दुखत असल्यामुळे बंगळुरुच्या विक्रम रुग्णालयात त्याला दाखल करण्यात आले होते. पण, येथेच उपचार घेत असतांना त्याचा मृत्यू झाला. पुनीतने आपल्या करिअरची सुरुवात बालकलाकार म्हणून केली होती. ‘सुवरत्थान’ हा चित्रपट याच वर्षी प्रदर्शित झाला होता. या चित्रपटाला प्रेक्षकांनी त्याच्या अभिनयाचे कौतुकही केले होते. हाच चित्रपट त्यांच्या आयुष्यातील शेवटचा चित्रपट ठरला. पुनीत राजकुमारला अनेक पुरस्कार मिळाले आहे. त्याला राष्ट्रीय पुरस्कारही मिळाला आहे.
