इंडिया दर्पण ऑनलाईन डेस्क
पुण्यातील बावधन परिसरात हेलिकॉप्टर कोसळल्याने झालेल्या दुर्घटनेत तीन जणांचा मृत्यू झाला. या हेलिकॉप्टरने सकाळी साडेसात वाजता पुण्यातील ऑक्सफर्ड काऊंटी रिसॉर्टच्या हेलिपॅडवरुन उड्डाण घेतले होते. हे उड्डाण घेतल्यानंतर अवघ्या तीन मिनिटात या हेलिकॉप्टरचा अपघात झाला. धुक्यामुळे हेलिकॉप्टर कोसळल्याचा प्राथमिक अंदाज आहे.
या हेलिकॉप्टरध्ये कॅप्टन पिल्लई, कॅप्टन परमजीत सिंग असे दोन पायलट आणि प्रीतम भारद्वाज हा इंजिनिअर प्रवास करत होते. या तिघांचा मृत्यू झाला. डोंगराळ भागामध्ये हे हेलिकॉप्टर कोसळले असून त्याचे तुकडे झाले आहे. तर हेलिकॉप्टरला भीषण आग लागली. हिंजवडी पोलिसांच्या कंट्रोल रुमने यासंदर्भात माहिती दिली आहे.
या घटनेची माहिती पिंपरी चिंचवड पोलिसांना याबद्दल माहिती देण्यात आली होती. त्यानंतर त्यांनी तातडीने हिंजवडी पोलिसात ही माहिती दिली. यानंतर हिंजवडी पोलीस पथक घटनास्थळी रवाना झाले.
