पुणे विमानतळाशी संबंधित अतिशय महत्त्वाची माहिती

पुणे – पुणे विमानतळावरुन प्रवास करणाऱ्या प्रवाशांसाठी अत्यंत महत्त्वाची आहे. पुणे विमानतळावरील रनवेच्या दुरुस्तीमुळे पुणे विमानतळ तब्बल १४ दिवस बंद रहाणार आहे. विमानतळाचा सांभाळ करणाऱ्या एअरपोर्ट अथॉरिटी ऑफ इंडियाने अधिकृत ट्विटर खात्यावरून ही माहिती दिली आहे. येत्या १६ ऑक्टोबर ते २९ ऑक्टोबरपर्यंत विमानतळावरील सर्व उड्डाणे रद्द राहणार आहेत. पुणे विमानतळाचा रनवे हा हवाई दलाच्या मालकीचा आहे. या रनवेच्या पुनरुत्थानाचे काम हाती घेतले जाणार आहे. त्यामुळे या १४ दिवसांच्या काळात येणारी आणि जाणारी सर्व उड्डाणे रद्द करण्यात आली आहेत.

आमच्या सर्व प्रवाशांना हे सूचित करण्यात येत आहे की भारतीय हवाई दलाकडून मिळालेल्या माहितीनुसार रनवेच्या पुनरुत्थानाच्या कामांमुळे, #PuneAirport च्या बाहेर चालणारी उड्डाणे 16 ऑक्टोबर 2021 ते 29 ऑक्टोबर 2021 पर्यंत 14 दिवस चालणार नाहीत. @AAI_Official @aairedwr @Pib_MoCA @DGCAIndia

— पुणे विमानतळ /Pune Airport (@aaipunairport) October 5, 2021