विशेष प्रतिनिधी, नवी दिल्ली
अन्याय अत्याचाराच्या घटना जगभरात घडत असतात. तसेच या घटनांची छायाचित्रे देखील समाज माध्यमात प्रदर्शित झाल्यास त्याविरुद्ध जनमानसात असंतोष निर्माण होतो. अशीच एक घटना मे २०२० मध्ये अमेरिकेतील मिनियापोलिस शहरात घडली होती. एका पोलिस अधिकाऱ्याने निर्दयपणे एका कृष्णवर्णीय म्हणजेच निग्रो व्यक्तीला अमानुषपणे मारहाण करीत त्याला ठार मारले होते. या घटनेचा व्हिडीओ समाज माध्यमात प्रसिद्ध झाल्यावर जगभरातून अमेरिकन गोऱ्या पोलिसाच्या या दुष्कृत्यांबद्दल तीव्र संतापाची लाट उमटली होती. हा व्हिडीओ तयार करणाऱ्या १८ वर्षीय मुलीला पुलित्झर पुरस्कार देऊन तिच्या शौर्याबद्दल गौरव करण्यात आला आहे.
पुलित्झर पुरस्कार सोहळा २०२१ मध्ये, खासकरुन एका पोलिस अधिकाऱ्याने अमानुषपणे केलेल्या जॉर्जच्या हत्येचा व्हिडिओ तयार केल्याबद्दल १८ वर्षाच्या डार्नेला फ्रेझियरचा सन्मानित करून तिचा गौरव करण्यात आला आहे. याचा संदर्भ देताना गौरव सामितीने असे म्हटले आहे की, जॉर्ज फ्लॉयडच्या हत्येचा व्हिडिओ बनवण्याचे धाडसी काम डार्नेला फ्रेसीयर हिने केले आहे. हा व्हिडिओ जगासमोर आल्यानंतर पोलिसांच्या क्रौर्याबद्दल लोकांना माहिती झाले. त्याच बरोबर, सत्य समोर आणण्यात तिच्या या महत्त्वपूर्ण भूमिकेचे सामाजिक कार्य देखील समजले.
