पीएफ काढताय?  मग, या महत्त्वाच्या गोष्टी लक्षात घ्या

     पीएफ फंडातून निम्मे पैसे काढणे किंवा अ‍ॅडव्हान्स पैसे काढणे काही विशिष्ट परिस्थितींमध्ये शक्य असते. उदाहरणार्थ, घर खरेदी किंवा घराचे बांधकाम, कर्जाची परतफेड, दोन महिन्यांपर्यंत वेतन न मिळाल्यास, मुलगी, मुलगा किंवा भाऊ आदि कुटुंबातील सदस्यांचा विवाह किंवा वैद्यकीय उपचारांसाठी केला जाऊ शकतो.

     ईपीएफ पैसे काढण्यासाठी ऑनलाइन अर्ज करण्यासाठी ग्राहकाकडे सक्रिय युनिव्हर्सल अकाउंट नंबर (यूएएन) आणि मोबाइल नंबर असणे आवश्यक आहे. ग्राहक ईपीएफओ पोर्टल युनिफाइड पोर्टल – mem.epfindia.gov.in वर ‘अ‍ॅडव्हान्स’ पैसे काढण्यासाठी दावा करु शकतात.  मंजुरी मिळाल्यानंतर ही रक्कम ग्राहकांच्या खात्यात जमा केली जाते.

      काही आर्थिक तज्ज्ञांचे म्हणणे आहे की निवृत्तीपर्यंत पीएफची रक्कम काढून घेणे योग्य नाही. खात्याने सलग पाच वर्षे योगदान न दिल्यास ईपीएफची रक्कम देखील करपात्र आहे.  अशा परिस्थितीत संपूर्ण ईपीएफ रक्कम त्या आर्थिक वर्षासाठी करपात्र उत्पन्न मानली जाते.

ग्राहकांच्या बँक खात्यात पैसे जमा करण्यास १० दिवसांचा कालावधी लागतो. ईपीएफओ ग्राहक वेबसाइटवर आपली शिल्लक ऑनलाईन तपासू शकतात.  ईपीएफओ मिस कॉल सुविधा व एसएमएस सेवेद्वारे शिल्लक तपासणीची सुविधा देखील उपलब्ध आहे.