पंतप्रधान मोदींना मिळणार हा दुर्मिळ सन्मान…. फारच थोड्या नेत्यांना आजवर मिळाला.. काय आहे तो?

नवी दिल्ली (इंडिया दर्पण वृत्तसेवा) – पंतप्रधान नरेंद्र मोदी तीन देशांच्या दौऱ्यावर गेले आहेत. ज्यामध्ये त्यांनी पहिल्यांदा जपानमधील G-7 परिषदेत भाग घेतला होता. यानंतर ते हिंदी प्रशांत महासागरात वसलेल्या पापुआ न्यू गिनी या देशात जाणार आहेत. त्यानंतर पंतप्रधान मोदी ऑस्ट्रेलियाला जाणार आहेत. या परदेश दौऱ्यांवर पंतप्रधान मोदींना खूप मान मिळतोय, पण पापुआ न्यू गिनीला जाताना पंतप्रधान मोदींना एक दुर्मिळ सन्मान मिळेल, जो काही मोजक्याच नेत्यांना मिळाला आहे.

पंतप्रधान मोदी रविवारी हिंदी प्रशांत महासागरातील पापुआ न्यू गिनी या बेटावर वसलेल्या देशाला भेट देणार आहेत. पंतप्रधान मोदींची पापुआ न्यू गिनीची ही पहिलीच भेट आहे. तसेच, भारताच्या कोणत्याही पंतप्रधानांनी या देशालाही दिलेली ही पहिलीच भेट आहे. त्यामुळेही हा दौरा खूप खास आहे. पापुआ न्यू गिनीमध्ये संध्याकाळनंतर राष्ट्रप्रमुखांचे पारंपारिक स्वागत केले जात नाही, परंतु पंतप्रधान मोदींच्या बाबतीत पापुआ न्यू गिनी आपली परंपरा बदलणार आहे. पापुआ न्यू गिनी येथे पोहोचल्यानंतर पंतप्रधान मोदींचे पूर्ण राजकीय सन्मानाने पारंपारिक स्वागत केले जाईल. पंतप्रधान मोदींचे स्वागत करण्यासाठी पापुआ न्यू गिनीचे पंतप्रधान स्वतः विमानतळावर पोहोचणार आहेत.

भारत आणि हिंद पॅसिफिक महासागर क्षेत्रात चीन सातत्याने आपली उपस्थिती मजबूत करत आहे. आता भारतानेही आपल्या शेजारी चीनला आव्हान देण्याची तयारी केली आहे. या अंतर्गत भारत हिंद पॅसिफिक महासागर क्षेत्रात आपली उपस्थिती वाढवत आहे. याअंतर्गत पंतप्रधान मोदींचा पापुआ न्यू गिनी दौरा अत्यंत महत्त्वाचा आहे. पापुआ न्यू गिनी येथे फोरम फॉर इंडिया पॅसिफिक आयलंड कोऑपरेशन कॉन्फरन्सच्या तिसर्‍या बैठकीचे सह-अध्यक्षता पंतप्रधान मोदी करणार आहेत. ही परिषद पापुआ न्यू गिनी येथे होणार असून हिंद प्रशांत महासागर क्षेत्रातील १४ देशांचे प्रतिनिधी यात सहभागी होणार आहेत. सोमवारी ही बैठक होणार आहे. २०१४ मध्ये पंतप्रधान मोदींनी फिजीमध्ये FIPIC सुरू केली होती.

पापुआ न्यू गिनीनंतर पंतप्रधान मोदी ऑस्ट्रेलियाच्या दौऱ्यावर जाणार आहेत. ऑस्ट्रेलियात पंतप्रधान मोदी सिडनी येथे एका खास कार्यक्रमात भारतीय वंशाच्या नागरिकांना भेटणार आहेत. लिटल इंडिया या नावाने प्रसिद्ध असलेल्या हॅरिस पार्क परिसरात हा कार्यक्रम होणार आहे.

After a successful visit to Japan, PM @narendramodi emplanes for Papua New Guinea, for the second leg of his three-nation tour. pic.twitter.com/09o7UT3NBP

— PMO India (@PMOIndia) May 21, 2023

Prime Minister Narendra Modi Rare Honour