नवी दिल्ली – कोरोनाच्या काळात भारत हा जगातील दुसर्‍या क्रमांकाचा वैयक्तिक संरक्षक उपकरणे (पीपीई) उत्पादक देश बनला आहे. या उद्योगाचे एकूण मूल्य ७ हजार कोटी रुपये एवढे आहे. भारतात दररोज ४ लाख ५० हजार पीपीई कीटसचे उत्पादन होत आहे. देशभरातील सुमारे १५०० उत्पादक त्यात कार्यरत आहेत.
केंद्रीय वस्त्रोद्योग मंत्रालयाच्या एका संशोधन अहवालानुसार, पीपीई किट्सची निर्मिती करणारा चीन हा जगातील सर्वात मोठा देश ठरला आहे. कोरोना व्हायरससारख्या संसर्गजन्य रोगांपासून आरोग्य कर्मचार्‍यांचे रक्षण करण्यासाठी पीपीई किट सर्वात महत्वाचे साहित्य आहे. कोविड -१९ या साथीचा रोग हा सर्व देशभरच नव्हे तर खंडभर पसरलेला असून पीडित पीपीई किटांच्या वाढत्या मागणी दरम्यान मार्चमध्ये त्यांचे उत्पादन वाढले आहे.
जूनमध्ये आरोग्य मंत्रालयाने पीपीई किटाची निर्यात करण्यास अन्य उद्योगांना अतिरिक्त उद्योग म्हणून परवानगी दिली. पीपीई उत्पादन उद्योगाला चालना देणारी ही बाब ठरली आहे. कारण साथीच्या काळात या कीटची मागणी प्रचंड वाढली आहे. या उद्योगास आता मात्र कामगारांची कमतरता भासत आहे.
