शिंदे गटात या कारणावरुन नाराजी; आता फडणवीसांकडे करणार तक्रार

मुंबई (इंडिया दर्पण वृत्तसेवा) – राज्यात सत्ता स्थापन केलेल्या शिंदे गट आणि भाजप यांच्यामध्ये सारे काही आलबेल नसल्याचे पुन्हा एकदा समोर आले आहे. एका कारणामुळे शिंदे गटात पुन्हा अस्वस्थता निर्माण झाली आहे. यासंदर्भात शिंदे गटात तीव्र नाराजी व्यक्त केली जात आहे. आता यासंदर्भात थेट भाजप नेते आणि उपमुख्यमंत्री देवेंद्र फडणवीस यांच्याकडे तक्रार करण्याचे शिंदे गटाने निश्चित केले आहे.

बंडखोर नेते एकनाथ शिंदे यांनी उद्धव ठाकरेंना मोठा धक्का देत राज्याची गादी हिसकावली. एकनाथ शिंदे यांच्यासोबत शिवसेनेचे ४० आमदार, १० अपक्ष आणि १२ खासदार होते. याशिवाय शिवसेनेचे अनेक पदाधिकारीही शिंदे गटात सामील झाले. शिवसेना फोडण्याची प्रक्रिया आजही सुरू आहे. मात्र, आता त्यात नवा ट्विस्ट आला आहे. उद्धव यांची बाजू सोडून गेलेले बहुतेक नेते बिनदिक्कतपणे शिंदे गटात सामील झाले होते, पण आता त्यांना भारतीय जनता पक्षाचा कोणताही संकोच नाही. भाजपही त्यांचे खुल्या मनाने स्वागत करत आहे. मात्र, भाजपच्या या खेळीमुळे शिंदे गटातील अनेक नेत्यांमध्ये अस्वस्थता आहे.

अमरावती जिल्ह्यातील शिवसेनेचे उद्धव ठाकरे गटाचे विद्यमान जिल्हाध्यक्ष राजेश वानखेडे यांनी भाजपमध्ये प्रवेश केला आहे. त्यांच्यासह अमरावती जिल्हा परिषदेचे सदस्य, पंचायत समिती सदस्य आणि काही माजी नगरसेवकांनी भाजप प्रदेशाध्यक्ष चंद्रशेखर बावनकुळे यांच्या उपस्थितीत भाजपमध्ये प्रवेश केला.

अमरावतीमध्ये चंद्रशेखर बावनकुळे यांच्या वक्तव्यावरून काही दिवसांपूर्वी भाजप-शिवसेनेमध्ये वाद झाला होता. चंद्रशेखर बावनकुळे यांनी नुकतेच खासदार नवनीत राणा आणि आमदार रवी राणाही भाजपमध्ये प्रवेश करणार असल्याचे संकेत दिले होते. एवढेच नाही तर अमरावतीचा पुढचा खासदार आणि बडनेराचा पुढचा आमदार भाजपचाच असेल असेही त्यांनी स्पष्ट केले. शिंदे गटात दाखल झालेले शिवसेना नेते आनंदराव अडसूळ भाजपच्या या वक्तव्याने नाराज आहेत.

राज्यात युती टिकवायची असेल तर भाजपने संयमाने बोलावे, असेही ते म्हणाले. अमरावती आणि बुलढाणा हे शिवसेनेचे मतदारसंघ आहेत. त्यामुळे भाजपने आमदार आणि खासदारकीचा दावा चुकीचा आहे. आनंदराव अडसूळ म्हणाले की, चंद्रशेखर बावनकुळे यांनी आपण सरकारमध्ये त्यांच्यासोबत आहोत, हे ध्यानात ठेवावे. बावनकुळे यांच्या वक्तव्याची तक्रार देवेंद्र फडणवीस यांच्याकडे करणार असल्याचेही त्यांनी सांगितले आहे.

Politics Eknath Shinde Group BJP Devendra Fadanvis