नवी दिल्ली (इंडिया दर्पण वृत्तसेवा) – काँग्रेस पक्षासाठी निर्णय घेणाऱ्या वर्कींग कमिटी (कार्यकारिणी समिती)ची घोषणा केली आहे. काँग्रेस अध्यक्ष मल्लिकार्जुन खरगे यांनी काँग्रेस कार्यकारिणीची स्थापना केली असून, त्यात खरगे यांच्याशिवाय सोनिया गांधी, मनमोहन सिंग, राहुल गांधी, अधीर रंजन चौधरी, ए के अँटनी, अंबिका सोनी, मीरा कुमार, दिग्विजय सिंग, पी चिदंबरम या ज्येष्ठ नेत्यांना स्थान देण्यात आले आहे. महाराष्ट्रातून या समितीवर माजी मुख्यमंत्री अशोक चव्हाण आणि मुकुल वासनिक यांना संधी देण्यात आली आहे.
तारिक अन्वर यांच्याशिवाय मुकुल वासनिक, G-23 गटाचे आनंद शर्मा, शशी थरूर आणि मनीष तिवारी यांनाही काँग्रेस कार्यकारिणीत स्थान देण्यात आले आहे. याशिवाय अजय माकन, अशोकराव चव्हाण, प्रियांका गांधी, कुमारी सेलजा, ताम्रध्वज साहू, अभिषेक मनु सिंघवी, सलमान खुर्शीद, जयराम रमेश, जितेंद्र सिंग, रणदीप सुरजेवाला, सचिन पायलट यांनाही स्थान देण्यात आले आहे.
स्थायी निमंत्रितांमध्ये वीरप्पा मोईली, हरीश रावत, पवन कुमार बन्सल, मोहन प्रकाश, रमेश चेन्निन्थला, बीके हरिप्रसाद, प्रतिभा सिंह, मनीष तिवारी, दीपेंद्र हुडा, के राजू, मीनाक्षी नटराजन, सुदीप रॉय बर्मन आणि इतर अनेक नेत्यांचा समावेश आहे. काँग्रेस अध्यक्ष मल्लिकार्जुन खर्गे हे यापूर्वी सोनिया गांधी यांनी स्थापन केलेल्या प्रशासकीय समितीसोबत काम करत होते. आता जाहीर झालेल्या काँग्रेस कार्यकारिणीत पूर्वीच्या समितीच्या तुलनेत फारसा बदल झालेला नाही. विशेष निमंत्रितांमध्ये पल्लम राजू, पवन खेडा, गणेश गोडियाल, यशोमती ठाकूर, सुप्रिया श्रीनेट, परिणीती शिंदे, अलका लांबा आदींचा समावेश आहे.
महाराष्ट्रातून या नेत्यांना संधी
१. मुकुल वासनिक
२. अशोक चव्हाण
३. अविनाश पांडे ( महासचिव)
४. रजनीताई पाटील (प्रभारी)
५. माणिकराव ठाकरे (प्रभारी)
६. चंद्रकांत हंडोरे (कायम निमंत्रितांमधे)
७. प्रणिती शिंदे (विशेष आमंत्रित)
८. यशोमती ठाकूर (विशेष आमंत्रित)
तरुणांना जबाबदारी
काँग्रेसने जाहीर केलेल्या कार्यकारिणीत तरुणाई आणि अनुभव यांचे मिश्रण दिसून येत आहे. पक्षाने कार्यकारिणीत अनुभवी नेत्यांना स्थान दिले असतानाच अनेक तरुण नेत्यांनाही त्यात स्थान दिले आहे. कार्यकारिणीत समाविष्ट करण्यात आलेल्या युवा नेत्यांमध्ये सचिन पायलट, गौरव गोगोई, सुप्रिया श्रीनेट, कन्हैया कुमार, दीपेंद्र हुडा, मीनाक्षी नटराजन, परिणीती शिंदे, सचिन राव, अलका लांबा, वामसी रेड्डी आदी नेत्यांच्या नावांचा समावेश आहे.
काँग्रेस कार्यकारिणीत सामील केल्याबद्दल काँग्रेस नेते शशी थरूर यांनी पक्ष नेतृत्वाचे आभार मानले आहेत. शशी थरूर म्हणाले की, देशाला सर्वसमावेशक बनवू इच्छिणाऱ्या असंख्य भारतीयांना आमच्याकडून चांगल्या अपेक्षा आहेत. शशी थरूर म्हणाले की, ‘इतिहासात काँग्रेस कार्यकारिणीने गेल्या 138 वर्षांपासून पक्षाचे नेतृत्व केले आहे. मलाही त्याचा एक भाग बनवण्यात आल्याने मी अत्यंत सन्मानित आहे. पक्षाची पूर्ण समर्पणाने सेवा करण्याची संधी मिळाल्याने मला आनंद होत आहे.
Politics Congress Party Working Committee Constituted
Mallikarjun Kharge Priyanka Rahul Sonia Gandhi
Ashok Chavhan Mukul Wasnik
