हवालदाराला महागात पडली चोरी; व्हिडिओ व्हायरलनंतर थेट निलंबन

चंदिगड – चोरांना पकडणे हेच पोलिसांचे काम असते, परंतु एका पोलीस हवालदाराने चक्क चोरी केली, तेही अंड्यांची आणि हे चोरी प्रकरण त्याला चांगलेच महागात पडले पंजाबमधील फतेहगड साहिबच्या  रस्त्यावरील फेरीवाल्याकडून अवघ्या २० रुपयांच्या अंडी चोरणाऱ्या पोलिस हवालदारास एसपी अमनीत कौंडल यांनी निलंबित केले आहे. तसेच अंडी चोरल्याचा व्हिडिओ सोशल मीडियावर व्हायरल झाला आहे.

     दररोज प्रमाणे एक विक्रेता रस्त्याच्या कडेला अंडी विक्री करायला उभा होता. तो थोडा बाजूला गेला असता तिथे उभे असलेल्या एका हवालदाराने चार अंडी चोरली आणि आपल्या पेंटच्या खिशात घातली आणि ऑटोमध्ये घुसला. तो अंडी चोरी करताना एका व्यक्तीला मोबाईल फोनमध्ये फोटो व व्हिडिओ काढून त्याला पकडले.

      सदर व्हिडिओ व्हायरल झाल्यास हवालदारला निलंबित होण्यास जास्त वेळ लागला नाही. हवालदारांच्या लज्जास्पद कृतीचा निषेध केला असून पंजाब पोलिसांची खिल्लीही उडविली. सदर व्हिडिओ एसपी अमनीत कौंडलपर्यंत पोहोचताच त्यांनी तहसील गार्डमध्ये तैनात हवालदाराला त्वरित निलंबित केले. हवालदाराने केलेल्या चोरीचा तपास सुरू  आहे.