पोलिस नियंत्रण कक्षाला येतात हे असे कॉल्स; वाचून तुम्हीही व्हाल हैराण

सिद्धी दाभाडे, इंडिया दर्पण वृत्तसेवा
पोलीस भाऊ, माझी बायको भांडून माहेरी गेली आहे, तिला जरा माझ्यासोबत मोबाईलवर बोलायला सांगा . अहो, माझा कुत्रा हरवला आहे, जरा चौकशी करून द्या. अश्या प्रकारे डायल 112 पोलिसांच्या नियंत्रणाखाली येणारे असे कॉल पोलिसांसाठी डोकेदुखी ठरत आहेत. नमस्कार, पोलीस नियंत्रण कक्ष…सर, गर्लफ्रेंड फोन उचलत नाही, कृपया तिच्या घरी जा आणि मला कळवा. हॅलो डायल 112…मला सलमान खानशी लग्न करायचे आहे, लग्न लाऊन द्या. असे कॉल करणार्यांवर कारवाई होत नसल्याने पोलीस अशा लोकांना कधी हसून तर कधी रागाच्या भरात समजावून सांगत असे, मात्र फोन करणार्‍यांकडून कशी अपेक्षा करायची. गंमत म्हणजे दररोज असे आठ ते दहा कॉल कंट्रोल रूमपर्यंत पोहोचत आहेत.

पोलिसांचे म्हणणे आहे की, बनावट कॉल्ससोबतच अशा कॉलमुळे काही वेळा विभागाला त्रास होतो. अशा लोकांच्या कॉलमुळे, डायल 112 लाईन व्यस्त होते आणि अशा परिस्थितीत कॉलरना आपत्कालीन परिस्थितीत समस्यांना सामोरे जावे लागते. अशा कॉलची संख्या एका महिन्यात 100 पेक्षा जास्त असते. आपत्कालीन परिस्थितीत आपत्कालीन सेवा आणि पोलिसांना माहिती देण्यासाठी 112 नंबर डायल करणे ही सर्वोत्तम सुविधा आहे. संकटाच्या वेळी, कोणतीही व्यक्ती आपल्या फोनवरून 112 नंबर डायल करून येथे आपत्कालीन सेवेचा लाभ घेऊ शकते. झाशीमध्येही पोलिस लाइन्समध्ये 112 चा कंट्रोल रूम आहे. आपत्कालीन परिस्थितीत 112 क्रमांकावर कॉल करणाऱ्या प्रत्येक व्यक्तीची समस्या किंवा माहिती तात्काळ संबंधित पोलिस स्टेशन, विभाग आणि अधिकारी यांना पाठवली जाते.

असे येतात कॉल्स
-मुलीच्या घरातील लोक या लग्नाला राजी नाहीत. माझं लग्न कसं होणार?
-शेजारी घराबाहेर कचरा टाकतात, सफाई कर्मचारी रस्त्यावर येत नाहीत,त्यांना फोन करणार का?
– अहो, काही फक पडत नाही भाऊ, मुल मोबाईल गेम खेळत होता, त्याने कॉल करून दिला
-बायको ऐकत नाही. काय करू मी खूप काळजीत आहे.
– मला एखाद्या मुलीशी मैत्री करायची आहे हे मी कसे सांगू?

फेक कॉल्स अडचणीचे
-घरात आग लागली आहे, पाच जण अडकले आहेत, तात्काळ अग्निशमन दल आणि पोलिसांना पाठवा.
-चौकाचौकात गोळीबार होत आहे, एका माणसावर पाच गोळ्या झाडल्या आहेत, लवकर या.
-आजूबाजूला मारामारी झाली आहे, दगडफेक होत आहे, अनेकजण जखमी झाले आहेत.
– बायको माहेरच्या घरी राहते, सासरचे शिवीगाळ करतात, बायकोही येत नाही.

तरीही वारंवार कॉल्स
पोलिस नियंत्रण कक्षात पोलिस वारंवार मजेशीर आणि बनावट कॉल करणाऱ्यांना सांगतात की ही आपत्कालीन सेवा आहे, खोटे कॉल केल्याने तुम्हाला शिक्षाही होऊ शकते. अशा वेळी काही कॉल करणारे सॉरी बोलून सहमत होतात, पण कधीच न पटणारे अनेकजण असतात, असे लोक पुन्हा पुन्हा फोन करतात आणि पोलीस नाराज होतात. नियंत्रण कक्षा नुसार, जे लोक वारंवार कॉल करतात, त्यांचे नंबर ट्रेस करून त्यांना सूचना दिल्या जातात. नियंत्रण कक्षाच्या म्हणण्यानुसार, असे अनेक लोक इतके मजेदार कॉल करतात की आता पोलिसांना त्यांची नावेहीपाठ झाली आहेत. कंट्रोल रूममधून अनेक बनावट कॉल येत आहेत. पोलीस घटनास्थळी गेल्यावर ते खोटे असल्याचे निष्पन्न होते. काही वेळा यामध्ये कारवाईही केली जाते. अशा कॉल्समुळे पोलीस अस्वस्थ होतात. 112 हा आपत्कालीन सेवा क्रमांक आहे. लोकांनी यावर खोटी माहिती देऊ नये आणि पोलीस कक्षाला त्रास होईल असे कृत्य करू नये, असे आवाहन करण्याच येत आहे.