इंडिया दर्पण ऑनलाईन डेस्क – पंतप्रधान नरेंद्र मोदी यांनी बंगळुरू येथे केम्पेगौडा आंतरराष्ट्रीय विमानतळाच्या टर्मिनल 2 चे उद्घाटन केले. पंतप्रधानांनी विमानतळ प्राधिकरणांशी संवाद साधला. यावेळी त्यांना टर्मिनल 2 च्या इमारतीच्या मॉडेलची माहिती देण्यात आली. पंतप्रधानांनी अनुभूती केंद्रातील सुविधांचीही पाहणी केली आणि केम्पेगौडा आंतरराष्ट्रीय विमानतळाच्या टर्मिनल 2 च्या परिसरामधून पायी चालत पाहणी केली. पंतप्रधानांनी टर्मिनल 2 बद्दलचा लघुपटही पाहिला.
पंतप्रधान मोदी म्हणाले की, बंगळुरू येथील केम्पेगौडा आंतरराष्ट्रीय विमानतळाचे टर्मिनल 2 क्षमतेत भर घालेल आणि सुविधांमध्ये आणखी वाढ करेल. आपल्या शहरी केंद्रांना उच्च दर्जाच्या पायाभूत सुविधा उपलब्ध करून देण्याच्या आमच्या प्रयत्नांचा हा एक भाग आहे.टर्मिनल सुंदर आणि प्रवासी स्नेही आहे ! त्याचे उद्घाटन करून आनंद झाला.”
बंगळुरूमधील केम्पेगौडा आंतरराष्ट्रीय विमानतळाचे टर्मिनल 2 सुमारे 5000 कोटी रुपये खर्चून बांधण्यात आले आहे. हे टर्मिनल विमानतळाची प्रवासी क्षमता प्रतिवर्ष सध्याच्या सुमारे 2.5 कोटीं प्रवासी क्षमतेवरून दुप्पट करून 5-6 कोटी प्रवाशांपर्यंत पोहोचवेल. बंगळुरूच्या गार्डन सिटीला मानवंदना म्हणून आणि प्रवाशांना “बागेत फिरत असल्याचा ” अनुभव मिळावा यांसारखी टर्मिनल 2 ची रचना करण्यात आली आहे. प्रवासी 10,000+ चौरस मीटर हिरव्या भिंती, हँगिंग गार्डन्स आणि बाह्य भागात असलेल्या बागांमधून प्रवास करतील.
The New Terminal 2 of Bangalore International Airport ??❤️ pic.twitter.com/2WOS4YAJOS
— Muthinoor Rahman (Suhaib) ? (@muthin190) November 11, 2022
विमानतळाने संपूर्ण संकुलामध्ये अक्षय्य ऊर्जेच्या 100% वापरासह शाश्वततेचा मापदंड यापूर्वीच स्थापित केला आहे. शाश्वततेच्या तत्त्वांच्या आधारावर टर्मिनल 2 ची रचना करण्यात आली आहे. शाश्वततेच्या उपक्रमांवर आधारित, टर्मिनल 2 हे कार्यान्वयन सुरू करण्यापूर्वी यूएस जीबीडी द्वारे (ग्रीन बिल्डिंग कौन्सिल) पूर्व-प्रमाणित प्लॅटिनम मूल्यांकन मिळवणारे जगातील सर्वात मोठे टर्मिनल असेल. ‘नवरसा’ च्या संकल्पनेच्या माध्यमातून टर्मिनल 2 मध्ये सर्व कलाकृती एकत्रितपणे दर्शवण्यात आल्या आहेत. या कलाकृती कर्नाटकचा वारसा आणि संस्कृती तसेच व्यापक भारतीय लोक परंपरा प्रतिबिंबित करतात.
एकंदरीत, टर्मिनल 2 ची रचना आणि वास्तू स्थापत्य , बागेमध्ये असणारे टर्मिनल, शाश्वतता , तंत्रज्ञान आणि कला आणि संस्कृती या चार मार्गदर्शक तत्त्वांनी प्रभावित आहे. टर्मिनल 2 आधुनिक असले तरी निसर्गाशी जवळीक साधणारे आणि सर्व प्रवाशांना एक संस्मरणीय ‘गंतव्य स्थळाचा ‘ अनुभव देणारे पैलू हे घटक प्रदर्शित करतात. पंतप्रधानांसोबत कर्नाटकचे मुख्यमंत्री बसवराज बोम्मई, कर्नाटकचे राज्यपाल थावरचंद गेहलोत आणि केंद्रीय मंत्री प्रल्हाद जोशी उपस्थित होते.
Terminal 2 of the Kempegowda International Airport, Bengaluru will add capacity and further convenience. It is a part of our efforts aimed at providing top class infrastructure to our urban centres. The Terminal is beautiful and passenger friendly! Glad to have inaugurated it. pic.twitter.com/t5ohAr6WCm
— Narendra Modi (@narendramodi) November 11, 2022
PM Modi Inaugurate Advance Airport Terminal Features
Bangalore International Airport Terminal 2
