मुंबई – ऑनलाईन पेमेंटची पद्धत रूढ होत असतानाच जगभरात क्रिप्टोकरन्सीची लोकप्रियता झपाट्याने वाढत आहे. भारतातील देखील क्रिप्टोकरन्सीबद्दल विचारमंथन सुरू आहे. वास्तविक क्रिप्टोकरन्सीबाबत रिझर्व्ह बँकेने अनेक गंभीर चिंता व्यक्त केल्या आहेत. त्याचबरोबर सरकारकडूनही याबाबत अनेक प्रकारच्या चिंता व्यक्त केल्या जाऊ शकतात. सरकार क्रिप्टोकरन्सी मधून मिळणारे उत्पन्न कराच्या कक्षेत आणण्याच्या विचारात आहे. त्यासाठी आयकर कायद्यात बदल करण्याचा विचार केला जात आहे. यातील काही बदल पुढील वर्षाच्या अर्थसंकल्पाचा भाग असू शकतात.
अनेक देशांमध्ये बिटकॉइन विषयी अधिक आकर्षण वाढत आहे. मध्य अमेरिकेतील एल साल्वाडोर हा छोटासा देश आता जगातील पहिले बिटकॉइन शहर बनवण्याच्या तयारीत आहे. एल साल्वाडोरचे राष्ट्रपती बुकेले यांनी त्यांच्या देशाच्या अर्थव्यवस्थेत गुंतवणूक वाढवण्यासाठी क्रिप्टोकरन्सीवर मोठा बोली लावण्याची घोषणा केली आहे.
राष्ट्रपती बुकेले म्हणाले की, या शहराला बिटकॉइन बाँडद्वारे निधी दिला जाईल. आम्ही २०२२ मध्ये निधी देणे सुरू करू, त्यानंतर बाँड उपलब्ध होतील. एल साल्व्हाडोर प्रजासत्ताक हा मध्य अमेरिकेतील सर्वांत लहान देश आहे. साल्व्हाडोरच्या पश्चिमेला होन्डुरास, उत्तर व पूर्वेला ग्वातेमाला तर दक्षिणेला प्रशांत महासागर आहेत. सान साल्व्हाडोर ही एल साल्व्हाडोरची राजधानी व सर्वात मोठे शहर आहेत.
अलीकडेच एल साल्वाडोर बिटकॉइनला अधिकृत चलन म्हणून मान्यता देणारा पहिला देश बनला आहे. बुकेले पुढे म्हणाले की, मूल्यवर्धित कर (व्हॅट) वगळता कोणताही कर आकारला जाणार नाही. बुकेले यांच्या सरकारने दावा केला होता की या निर्णयामुळे अनेक देशवासीयांना प्रथमच बँक सेवांचा लाभ मिळेल. त्याचबरोबर रेमिटन्स फंडावरही मोठी बचत होणार आहे. तसेच बुकेले यांनी आपल्या भाषणात गुंतवणूकदारांना येथे गुंतवणूक करून भरघोस परतावा मिळवण्यास सांगितले. बिटकॉइनवर आधारित बाँडद्वारे शहराला निधी दिला जाईल.
एल साल्वाडोर हा जगातील पहिला देश आहे जिथे क्रिप्टोकरन्सी बिटकॉइनला कायदेशीर निविदा घोषित करण्यात आली. राष्ट्रपतींच्या मते, बिटकॉइन सिटी परिपत्रकात विमानतळ, निवासी आणि व्यावसायिक क्षेत्र, सेंट्रल प्लाझा असेल. हे शहर अशा प्रकारे बांधण्यात येणार आहे की, जेव्हा तुम्ही ते हवेतून पाहाल तेव्हा बिटकॉइनचे चिन्ह दिसेल. तसेच कराची निम्मी रक्कम शहरावर खर्च होणार आहे. तसेच सार्वजनिक पायाभूत सुविधांसाठी सुमारे ३ लाख बिटकॉइन्स खर्च होतील.
