नागपूर (इंडिया दर्पण वृत्तसेवा) – बेरोजगार तरुणांना नोकरीची प्रलोभने दाखवून त्यांची आर्थिक लूट करणाऱ्या प्लेसमेंट कार्यालयावर अंकुश ठेवण्यासाठी नियमावली तयार करण्याचे राज्य शासनाच्या विचाराधीन असल्याचे उपमुख्यमंत्री तथा गृहमंत्री देवेंद्र फडणवीस यांनी आज विधानपरिषदेत सांगितले.
प्लेसमेंट कार्यालयाच्या माध्यमातून बेरोजगार तरुणांची फसवणूक होत असल्याबाबत विधानपरिषद सदस्य विलास पोतनीस आणि सुनील शिंदे यांनी उपस्थित केलेल्या लक्षवेधीला उत्तर देताना उपमुख्यमंत्री बोलत होते. नोकरीच्या आमिषाने फसवून देशाबाहेर नेलेल्या तरुणांना देशामध्ये परत आणण्यासाठी केंद्र शासनाने स्वतंत्र कक्ष तयार केलेला आहे. राज्यातील अशा प्रकारच्या तक्रारी त्या कक्षाच्या माध्यमातून सोडविण्यात येत असल्याचेही श्री. फडणवीस यांनी यावेळी सांगितले.
हिंदुस्तान स्काऊट अँड गाईड नावाने संस्था उभी करून, ती शासकीय आहे असे भासवून युवकांची फसवणूक केल्याचा गंभीर आरोप योगेश सागर यांनी आज केला. राज्य सरकार याची निश्चितपणे चौकशी करेल.
(विधानसभा । दि. 30 डिसेंबर 2022)#WinterSession #scam #enquiry #Mumbai #Maharashtra pic.twitter.com/xPsXvmG8wN— Devendra Fadnavis (Modi Ka Parivar) (@Dev_Fadnavis) December 30, 2022
Placement Offices Crime Fraud Government Action
DYCM Devendra Fadanvis
Maharashtra State Assembly Winter Session Nagpur
