PK चा सिक्वेल येतोय; आमिर खानच्या जागी राहणार हा अभिनेता

आमिर खानच्या पीकेमध्ये शेवटी रणबीर कपूरची एन्ट्री दाखविण्यात आली आहे. त्यामुळे लोकांमध्ये तशीही सिक्वेलबाबत उत्सुकता होती. यात शेवटी रणबीर कपूर एलियन बनून पृथ्वीवर येतो. चित्रपटाचे निर्माते विधू विनोद चोप्रा यांनी सांगितले की, ‘रणबीर कपूर चित्रपटाच्या पुढच्या भागात मुख्य भूमिकेत राहू शकतो. मात्र चित्रपट तेव्हा सुरू होईल, जेव्हा लेखक लिहायला सुरुवात करेल.’ 

एका दैनिकाशी बोलताना ते म्हणाले की, ‘आम्ही सिक्वेल नक्कीच बनविणार. आम्ही पहिल्या भागात रणबीर कपूरला पृथ्वीवर लँड होताना दाखविले होते. त्या आधारावर चित्रपटाची कथा रंगविता येते. मात्र अभिजातने अद्याप कथा लिहायला सुरुवातच केलेली नाही. ज्या दिवशी ते लिहीतील आणि चित्रपट बनवायला सुरुवात करू.’ आम्ही पैसा कमवायच्या उद्योगात नाही. आम्ही सिनेमा निर्माण करणाऱ्या व्यापारात आहे. 

पैसा कमावणे आमचे उद्दिष्ट्य असते तर आतापर्यंत आम्ही ६-७ मुन्नाभाई आणि दोन–तीन पीके बनवून मोकळे झालो असतो. आमच्यासाठी पैश्यांपेक्षा आनंद जास्त महत्त्वाचा आहे, असेही चोप्रा म्हणाले. रणबीर कपूर सध्या ब्रह्मास्त्रच्या चित्रीकरणात व्यस्त आहे. 

यात त्याच्यासोबत आलिया भट्ट आणि अमिताभ बच्चन यांच्या मुख्य भूमिका आहेत. याशिवाय शमशेरा या चित्रपटातही रणबीर मुख्य भूमिकेत असणार आहे. पीकेच्या पहिल्या भागात आमिर खानवर हिंदू धर्माचा अपमान करण्याचा आरोप लागला होता. त्यामुळे चित्रपटाचे प्रदर्शन रोखण्याची मागणीही मोठ्या प्रमाणात करण्यात आली होती.

बघा व्हिडिओ

https://www.youtube.com/watch?v=qqE2mftl09Q