पिंपळगाव बसवंत: रानवड-पालखेड शिवारात अज्ञात वाहनाने मोटरसायकलला जोरदार धडक दिल्याने अपघाताची घटना मंगळवार दि.१४ रोजी घडली. अपघातात पालखेड येथील आकाश सोमनाथ गीते वय (२४) याचा दुर्दैवी मृत्यू झाल्याने परिसरात हळहळ व्यक्त होत आहे. याबत पिंपळगाव पोलीस ठाण्यात रात्री उशिरापर्यंत अपघाताचा गुन्हा दाखल करण्यात आला. पिंपळगाव बसवंत पोलिसांनी दिलेल्या माहितीनुसार निफाड तालुक्यातील पालखेड येथील आकाश सोमनाथ गीते मंगळवार दि.१४ रोजी सायंकाळी उशिरा रानवड बाजूकडून पालखेडच्या दिशेने मोटरसायकल एचएफ डिलक्स क्रमांक एम.एच १५ जीएल १११८ यावरून येत असताना पालखेड रानवड शिवारात भरगाव वेगात आलेल्या अज्ञात वाहनाने मोटरसायकलला जोरदार धडक मारून पसार झाले. अपघातात गंभीर जखमी झालेल्या आकाश सोमनाथ गीते यांच्या डोक्यासह हातापायाला गंभीर मार लागल्याने त्यास पिंपळगाव प्राथमिक आरोग्य केंद्रात दाखल केले असता वैद्यकीय अधिकाऱ्यांनी तपासून मृत घोषित केले. याबत विक्रम गीते रा.पालखेड यांनी दिलेल्या फिर्यादीनुसार अज्ञात वाहनचालक यांच्याविरुद्ध पिंपळगाव पोलीस ठाण्यात गुन्हा दाखल करण्यात आला आहे. पोलीस निरीक्षक भाऊसाहेब पटारे यांच्या मार्गदर्शनाखाली पो ह रामदास गांगुर्डे अधिक तपास करत आहे.
