पिंपळगाव बसवंत: पिंपळगाव शहरात झपाट्याने वाढणारी कोरोना बाधितांची संख्या आता काही प्रमाणात मंदावली असताना शहरात विनाकारण फिरणाऱ्या २५ नागरिकांच्या पिंपळगाव बसवंत पोलिसांनी आरोग्य विभागाच्या सहकार्याने रॅपिड अँटिजेन टेस्ट केल्या. २५ पैकी २५ नागरिकांचे कोरोना अहवाल निगेटिव्ह आल्याने पोलिस प्रशासनानी सुटकेचा निश्वास सोडला.
पिंपळगाव बसवंत शहरात दिवसागणिक वाढणारी कोरोना बधितांची संख्या आता मोठ्या प्रमाणावर कमी झाली आहे. जिल्हा प्रशासनाकडून लॉकडाऊन लागू केला असताना पिंपळगाव शहरात अनावश्यक व विनाकारण फिरणाऱ्या नागरिकांची गर्दी बघता पिंपळगाव पोलीस ठाण्याच्या वतीने शहरातील निफाड फाटा परिसरात आरोग्य विभागाच्या मदतीने विनाकारण फिरणाऱ्या तब्बल २५ नागरिकांच्या रॅपिड अँटिजेन टेस्ट करण्यात आल्या. तपासणी करण्यात आलेल्या २५नागरिकांचे अहवाल निगेटिव्ह आले आहे.
रॅपिड टेस्टप्रसंगी पोलीस निरीक्षक भाऊसाहेब पटारे, तलाठी राकेश बच्छाव, सहायक निरीक्षण कुणाल सपकाळे, ग्रामपंचायत सदस्य अल्पेश पारख, दीपक विधाते, पोलीस कर्मचारी, पप्पू देवरे, रवी बारहाते, राकेश धोंगडे, आदिंसह होमगार्ड उपस्थित होते.
प्रशासनास सहकार्य करावे
शहरातील रस्त्यावर विनाकारण फिरणाऱ्या सर्वांची आता टेस्ट केली जाणार आहे. यात पॉझिटिव्ह आढळणाऱ्या नागरिकांची थेट पिंपळगाव कोविड सेंटरला रवानगी करण्यात येणार असल्याने पिंपळगावकरांनी सुरक्षीतेच्या दृष्टीने घरातच राहून प्रशासनास सहकार्य करावे
भाऊसाहेब पटारे पोलीस निरीक्षक पिंपळगाव ब
