पिंपळगाव बसवंत: बदलत्या काळाची पाऊले ओळखून विद्यार्थीनिनी स्वावलंबी होण्याच्या दिशेने प्रयत्न केले पाहिजेत. रोजगार आणि व्यवसाय स्थापन करण्यासाठी पारंपारिक शिक्षणा सोबतच कौशल्य आधारित विविध पूरक अभ्यासक्रम पूर्ण केले पाहिजेत असे मत प्राचार्य डॉ.दिलीप शिंदे यांनी व्यक्त केले.
मराठा विद्या प्रसारक समाज संस्थेच्या पिंपळगाव बसवंत येथील कर्मवीर काकासाहेब वाघ कला, विज्ञान आणि वाणिज्य महाविद्यालयात विद्यापीठ अनुदान आयोगाच्या वतीने विद्यार्थीनीसाठी ‘सर्टिफिकेट कोर्स इन कॉस्मेटोलॉजी’ मंजूर करण्यात आला. त्याच्या उद्घाटनप्रसंगी ते बोलत होते. यावेळी व्यासपीठावर उपप्राचार्य ज्ञानोबा ढगे, प्रशिक्षक श्रीमती सोनाली मंडलिक, समन्वयक प्रा. चित्रलेखा जोंधळे, प्रा. भगवान कडलग आदी उपस्थित होते.
प्राचार्य डॉ. दिलीप शिंदे पुढे म्हणाले की, व्यक्तीचे खरे सौंदर्य अंतरंगात असते. तरी प्रभावी व्यक्तिमत्वासाठी बाह्य सौंदर्य देखील फुलविण्याचा आपण प्रयत्न करीत असतो. म्हणून सौंदर्यशास्त्र या विषयाला आज अत्यंत महत्त्व असून त्यामुळे मुलीनां या क्षेत्रात रोजगाराच्या अनेक संधी उपलब्ध होत आहेत. हा व्यवसाय भरभराटीस येत असून यातून चांगले उत्पन्न मिळत आहे. म्हणून हा कोर्स विद्यार्थिनिना आत्मनिर्भर होण्यासाठी लाभदायक आहे, असे मत व्यक्त केले. प्रशिक्षिका श्रीमती सोनाली मंडलिक यांनी सौंदर्यशास्त्र प्रशिक्षणाचे स्वरूप थोडक्यात व्यक्त केले .प्रास्ताविक करताना प्रा. चित्रलेखा जोंधळे यांनी ह्या कोर्स मध्ये प्रात्यक्षिकाच्या माध्यमातून विद्यार्थिनींप्रशिक्षण देण्यात येणार आहे. असे स्पष्ट केले. या कोर्स साठी विद्यार्थिनीनी उत्स्फूर्त प्रतिसाद दिला असून सहभागी विद्यार्थिनीना क्रेडीट आणि प्रमाणपत्र दिले जाणार आहे.
कार्यक्रमाचे सुत्रसंचलन प्रा.डॉ. प्रणाली जाधव यांनी केले. तर आभार प्रदर्शन प्रा. डॉ. सम्राज्ञी मोरे यांनी मानले यावेळी प्रा.डॉ. छाया भोज,प्रा.सुसान लारेन्सिया,डॉ.उषा सोरते, डॉ.शोभा डहाळे, प्रा.संगीता कुशारे ,प्रा.सविता कदम,प्रा.माधुरी भंडारे आदि उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
