पिंपळगाव बसवंत (इंडिया दर्पण वृत्तसेवा) – पिंपळगाव बसवंत कांदा व्यापारी असोसिएशनच्या अध्यक्षपदी विजयराज बाफणा उपाध्यक्षपदी महावीर भंडारी, सेक्रेटरी हसमुख शाह तसेच कार्यकारिणीमध्ये संस्थापक अध्यक्ष अशोक शाह तसेच किसनसेठ ठक्कर,सोहनलाल भंडारी, हिरालाल पगारिया, सुरेश पारख, अतुल शाह, हितेश ठक्कर, निखिल घोडके, अविष्कार पुरकर आदींची निवड करण्यात आली.
पिंपळगाव बसवंत कांदा व्यापारी असोसिएशनची स्थापना १९८४ साली झाली. सुरवातीला ७ ते ८ आडतदार, २०-२५ खरेदीदार होते. व व्यापाऱ्यांना अनेक अडचणींना तोंड द्यावे लागत होते. तसेच शेतकऱ्यांनाही भाव, काटा, पेमेंट, वेळेवर लिलाव, अनेक अडचणी येत होत्या. आवक वाढली तर शेतकऱ्यांना मुक्कामी राहावे लागायचे असे अनेक प्रश्न होते.
संस्थापक अशोक शाह, विजयराज बाफणा, सोहनलाल भंडारी, किसन ठक्कर व सर्व क्रियाशील संचालकांनी व व्यापाऱ्यांनी चोख व्यवहार, पारदर्शक कामकाज यासाठी दिवस रात्र मेहनत घेतल्याने संपूर्ण जिल्ह्यात १ नंबरची बाजारपेठ झाली आहे. आज असोसिएशनचे भव्य कार्यालय असून हमाल ते मजूर अश्या ५००० लोकांना रोजगार प्राप्त झाला आहे. तसेच १०० ते १२५ व्यापारी व्यवसाय करीत आहेत. नवनिर्वाचित संचालकांचे सर्वत्र अभिनंदन होत आहे.
Pimpalgaon Baswant Onion Trader Association New Body Declared
